Azərbaycan Turizm və Menecment Universiteti 2020/2021-ci tədris ili üçün Turizm və Qonaqpərvərlik fakültəsinin müvafiq ixtisasları üzrə müxtəlif fənlərin tədrisini aparmaq məqsədilə akademik heyətin işə qəbul müsabiqəsini elan edir.
Müsabiqə üç mərhələdən ibarət olacaqdır:
• Sənədlərin qəbulu;
• Müsahibə;
• Sınaq dərslərin keçirilməsi.
Namizədlərə aid tələblər:
1. Fənn blokuna uyğun elmi dərəcəsi (magistr, fəlsəfə və elmlər doktoru);
2. Müasir tədris standartlarına uyğun silabus və fənn materiallarını hazırlama bacarıqları;
3. Tələbə-yönümlü tədris metodikası;
4. Kompyuter biliyi: Ofis proqramlarında (xüsusilə, Microsoft Word, Excel və Power Point) sərbəst işləmək bacarığı.
Tələb olunan sənədlər:
• Doldurulmuş müraciət və silabus formaları;
• Şəxsiyyət vəsiqəsinin elektron surəti;
• Diplom(lar) və ona əlavə(lər)in elektron surətləri (xaricdə təhsil alanlar isə diplomla yanaşı həmin sənədin tanınmasına dair şəhadətnamənin elektron surətini təqdim etməlidirlər)
Namizədlər müvafiq formaları aşağıdakı keçidlərdən əldə edə bilərlər:
İşə qəbul müsabiqəsi - müraciət forması.doc
Namizədlərdən tələb olunan sənədləri [email protected] elektron ünvanına göndərmələri xahiş olunur. Müraciətlərin göndərilməsi üçün son tarix 20 avqust 2020-ci ildir.
Namizədlərin hər hansı sualı yaranarsa (+99412) 564 42 33 (daxili nömrə 115) telefon nömrəsi və ya [email protected] vasitəsilə əlaqə saxlaya bilərlər.
Qeyd: Namizədin göstəriciləri vəzifə tələblərinə uyğun gəlmədikdə və ya müraciət müddəti bitdikdə sənədlərə baxılmayacaq.