Qazma şöbəsinin rəisi
- SOCAR-Ümid MMC
-
Elanın qoyulma tarixi: 21.10.2013Vakansiyaya müraciət tarixi bitmişdir.
İşin təsviri
“SOCAR-ÜMİD” MMC-nin Qazma şöbəsinin rəisinin
VƏZİFƏ T Ə L İ M A T I
1. Vəzifə öhdəlikləri:
• Cəmiyyətin məqsəd və strategiyasına uyğun olaraq quyuların tikintisi üçün rəhbər sənədlərin işlənib hazırlanması və istehsalat tapşırıqlarının yerinə yetirilməsinə, quyu tikintisində müasir və dünya standartına uyğun olan texniki və texnoloji materiallardan, avadanlıqlardan istifadə edilməsinə, quyunu layihə smeta sənədlərinə uyğun səmərəli, normal, effektli, az vaxt sərf etməklə tikinti ilə qurtarmaq və istismara vaxtında təhvil verilməsinə nəzarət edir.
• Quyuların tikintisi məsələləri ilə məşğul olur və Baş icraçının neft və qaz quyularının qazılması barədə fəaliyyətinə metodik və texniki nəzarət edir.
• Baş icraçı tərəfindən quyuların tikintisinin istehsalat tapşırıqlarının vışqaquraşdırma, qazıma və mənimsəmə proseslərində işin ritmliyinin təmin edilməsinə istiqamətlənmiş texniki - təşkilatı tədbirlərin yerinə yetirilməsinə köməklik göstərir.
• Müvafiq institutlarla və “SOCAR-ÜMİD” MMC-nin şöbələri ilə birlikdə quyuların tikintisinin cari və perspektiv layihələrini işləyib hazırlamaq, həmin layihələrin yerinə yetirilməsinə sistematik olaraq nəzarət edir .
• Qazıma işlərinin texniki-iqtisadi göstəricilərinin layihəyə uyğun yerinə yetirilməsinə nəzarət edir.
• Quyuların tikintisinin texniki-iqtisadi göstəricilərinin artırılması məqsədilə Baş icraçı tərəfindən görülən işin təşkili, idarə edilməsi və qazıma işlərinin təkmilləşdirilməsi üzrə hazırlanmış texniki-iqtisadi tədbirlərə nəzarət edir və işdə yol verilən texniki və texnoloji pozuntulara görə qabaqcadan xəbərdarlıq edir.
• Müvafiq strukturlarla birlikdə qazımada istifadə olunan texniki və texnoloji materiallar sərfi normalarının işlənməsində iştirak edir, rəy verir və təsdiq üçün rəhbərliyə təqdim olunmasına nəzarət edir.
• Neft və qaz quyularının tikitntisi zamanı etaplar üzrə aparılan qazıma işləri üçün baş verən qəza və mürəkkəbləşmələrin qarşısını almaq məqsədilə Baş icraçı tərəfindən hazırlanmış qabaqcadan xəbərdarlıq kompleks tədbirlər planına daimi nəzarət edir.
• Quyuların qazılması zamanı etaplar üzrə aparılan texniki və texnoloji proseslərə və layihə üzrə istifadə olunan texniki və texnoloji materialların müasir standartlara uyğun gəlməsinə nəzarət edir.
• Neft və qaz quyularının qazılması zamanı quyu lüləsinin hazırlanması və möhkəmləndirilməsi üçün layihə üzrə tələb olunan texniki və texnoloji materialların (texnoloji tərtibatlar, qoruyucu kəmərlər, sement və s.) miqdarına və aparılan texnoloji proseslərə nəzarət edir.
• Layihə üzrə neft və qaz quyularının tikintisi üçün tələb olunan texniki və texnoloji materialların vaxtında təmin olunmasına nəzarət edir.
• Neft və qaz quyularının növündən və məqsədindən asılı olaraq illik qazıma həcmini təmin etmək məqsədilə tələb olunan quyular üçün texniki layihə və smeta sənədlərinin vaxtında hazırlanıb, Baş icraçıya təqdim olunmasına nəzarət edir.
• Baş icraçı tərəfindən neft və qaz quyularının qazılması zamanı layihədən fərqli olaraq aparılan texniki və texnoloji proseslərə dəyişiklərin edilməsi yalnız, onun üçün müvafiq qaydalara görə hazırlanmış texniki və texnoloji sənədlər (rəhbər sənədlər, təlimatlar, protokollar, akt və s.). Baş sifarişçi tərəfindən razılaşdıırılıb təsdiq edildikdən sonra həyata keçirilməsinə nəzarət edir.
• Müvafiq şöbələrlə birlikdə illik qazıma həcminin hazırlanmasında iştirak etmək və təsdiq olunmuş lazımi sənədlərin Baş icraçıya təqdim olunmasına nəzarət edir.
• Süxur dağıdıcı alətlərin layihə üzrə keyfiyyətinə, onların istismarı zamanı müvafiq normalara və qaydalara riayət olunması və bunlar üçün tələb olunan texniki və texnoloji sənədlərin rəsmiləşdirilməsinə nəzarət edir.
• Neft və qaz quyularının qazılması zamanı baş vermiş mürəkkəbləşmələrin və qəzaların araşdırılmasında bilavasitə iştirak edir, çıxarılan qərarın yerinə yetirilməsinə Baş sifarişçinin müvafiq rəhbər işçiləri və şöbələri ilə razılaşdırıldıqdan sonra həyata keçirilməsinə nəzarət edir.
• Neft və qaz quyularının texniki səbəbdən ləğv edilməsi üçün Baş icraçı tərəfindən hazırlanmış ləğv sənədlərinə Baş sifarişçinin rəhbərliyi və müvafiq şöbələrin verdiyi razılıqdan sonra həyata keçirilməsinə nəzarət edir.
• Neft və qaz quyularının hər hansı bir səbəbdən konservasiyaya qoyulması üçün Baş icraçı tərəfindən hazırlanmış texniki sənəd, Baş sifarişçinin müvafiq şöbələri ilə razılaşdırıldıqdan və rəhbərlik tərəfindən təsdiq edildikdən sonra həyata keçirilməsinə nəzarət edir.
• Neft və qaz quyularının tikinti ilə vaxtında və effektli qurtarması barədə tərtib olunan sənədlər işçi komissiya tərəfindən aparılmalı və tərtib olunan akt «AZNEFT» İB-nin müvafiq şöbələri və rəhbərliyi tərəfindən təsdiqləndikdən sonra həyata keçirilməsinə nəzarət edir.
• Neft və qaz quyularının möhkəmləndirilməsində istifadə olunan texniki və istismar kəmərlərinin buraxılması üçün Baş icraçı tərəfindən hazırlanmış iş planı, Baş sifarişçinin müvafiq şöbələri ilə razılaşdırıldıqdan sonra və rəhbərlik tərəfindən təsdiq olduqdan sonra həyata keçirilməsinə nəzarət edir.
• Neft və qaz quyularının qazımadan sonra mənimsənilməsi üçün Baş icraçı tərəfindən hazırlanmış iş planı, Baş sifarişçinin müvafiq şöbələri tərəfindən razılaşdırılmalı və rəhbərlik təsdiq etdikdən sonra həyata keçirilməsinə nəzarət edir.
• Müvafiq institutlarla birlikdə neft və qaz quyularının tikintisinin effektivliyinin artırılması məqsədilə, müasir texnika və texnologiyanın tətbiq edilməsinin elmi cəhətdən əsaslandırılması və istehsalatda istifadə olunması problemləri üzrə işlərin aparılmasına nəzarət edir.
• Neft və qaz quyularının tikintisinin layihələndirilməsinin əsas istiqamətlərindən biri, tikintidə tərəqqiyə nail olmaq, texniki və texnoloji qərarlara və onların birliyinin təmin olunmasına, tikinti və quraşdırma unifikasiyasına, eləcədə geniş olaraq yeni texniki və texnoloji reqlamentlərdən bütün etaplarda və quyu tikintisinin kompleks işlərində istifadə olunmasına nəzarət edir.
• Qazıma keçidi üzrə istehsalat tapşırıqlarının (ay, rüb, il) yerinə yetirilməsinə nəzarət edir.
• Maili-istiqamətləndirilmiş quyuların layihə üzrə verilmiş parametrlərə görə qazılmasına nəzarət etmək, əldə olunan məlumatları təhlil edir və alınmış nəticələrin hansı vəziyyətdə olmasının Baş icraçının müvafiq şöbələri ilə birlikdə araşdırır.
• Neft və qaz quyularının qazılması zamanı layihədə nəzərdə tutulmuş texniki və texnoloji materialların sərfinə və onlardan səmərəli istifadə olunmasına nəzarət edir.
• Layihədə verilmiş parametrlərə görə qazıma zamanı texnoloji rejimin düzgün seçilməsinə və müvafiq normalara uyğun aparılmasına nəzarət edir.
• Neft, qaz və kondensat quyularında tikinti işlərinin aparılması zamanı vahid texniki qaydalara riayət olunmasına nəzarət edir.
• Yeni texnika və texnologiyanın sınaqdan keçirilməsində bilavasitə iştirak edir və alınan nəticələrə müvafiq qaydada rəy verir, eləcə də alınmış müsbət nəticələri nəzərə alaraq, istehsalatda geniş istifadə edilməsinə şərait yaradaraq nəzarət edir.
• Neft və qaz quyularının tikintisində nəzərdə tutulan maili-istiqamətləndirilmiş quyuların lüləsinin trayektoriyasını layihədə verilmiş parametrlərə görə aparılmasına nəzarət edir.
• Neft və qaz quyularının tikintisi ilə əlaqədar olaraq müqavilələrin bağlanması üçün aparılan fikir mübadiləsində iştirak edir və öz rəyini verir.
• əməyin mühafizəsi, təhlükəsizlik texnikası, ətraf mühitin mühafizəsi, istehsalat sanitariyası və yanğından mühafizənin norma və qaydalarına riayət edir;
• şöbənin işçilərinə rəhbərlik edir.
2.Bilməlidir:
• Neft və qaz quyularının tikintisi üçün layihə - smeta sənədlərinin tərkibi, hazırlanması, razılaşdırılması və təsdiq edilməsi qaydaları üzrə təlimatı və istehsalın idarə edilməsi üzrə metodik, normativ və digər rəhbər materialları;
• İllik qazıma işlərinin həcmini ;
• Tikinti ilə qurtaran quyuların növlərini və sayını ;
• Quyuların sayının sahələr üzrə yerləşdirilməsini və koordinasiya edilməsi məsələlərinin həllini ;
• kompüter texnologiyası, rabitə və kommunikasiya vasitələrini;
• kargüzarlıq, sənədlərin tərtib edilməsi və rəsmiləşdirilməsi qaydalarını;
• əməyin mühafizəsi, təhlükəsizlik texnikası, ətraf mühitin mühafizəsi, istehsalat sanitariyası və yanğından mühafizənin qayda və normalarını.
Email: [email protected]
SOCAR-Ümid MMC tərəfindən digər vakansiyalar
.jpg)
