İşin təsviri
Əmək funksiyası:
- Universitetdə Məzun Platformasını yaratmaq;
- Universitetin məzunlarının işlə təmin edilməsinə köməklik göstərmək;
- Universitetin tələbələrinin işlə bağlı maraq dairəsini öyrənmək üçün sorğular keçirmək, CV-lərini hazırlamaq, CV bazası yaratmaq;
- Vakansiyaları daima izləmək, onlar haqqında məlumat almaq, şirkətlərin HR menecerləri ilə görüş təşkil etmək və onlarla əməkdaşlıq etmək;
- Universitetdə karyera günlərini təşkil etmək;
- Müxtəlif təşkilatların nümayəndələrini dəvət etmək, onların tələbələrlə görüşlərini təşkil etmək;
- Tələbələr üçün treyninqlər və seminarlar təşkil etmək;
- Məzun günlərinin təşkilinə və keçirilməsinə köməklik göstərmək;
- Azərbaycan Respublikasının qüvvədə olan qanunvericiliyinə, universitetin Nizamnaməsinə, təsisçilərin Ümumi Yığıncağının və Elmi Şuranın qərarlarına, rektorun əmr və göstərişlərinə əməl etmək;
- Öz səlahiyyətləri çərçivəsində rəhbərlik tərəfindən verilən digər tapşırıqları yerinə yetirmək.
Bilməlidir:
- Azərbaycan Respublikasının təhsil qanunvericiliyini;
- CV formalarının müasir tələblərə uyğun hazırlanmasını, tədbirlərin təşkilini, müəssisələrlə əlaqələrin qurulmasını;
Məsuliyyəti:
- Əmək funksiyasının icrasına səhlənkar yanaşdığına və vaxtında yerinə yetirilməməsinə görə məsuliyyət daşıyır;
- Universitetin maraqlarının, universitetdə konfidensial hesab edilən məlumatların qorunmamasına görə məsuliyyət daşıyır;
Hüquqları:
- Departamentin işinin təşkili ilə əlaqədar təkliflər vermək;
- Öz vəzifələrini yerinə yetirmək üçün digər struktur bölmələrdən lazımi məlumatları (kommersiya sirrini təşkil edən (konfidensial hesab edilən) məlumatlar istisna olmaqla) almaq;
- Departamentin fəaliyyəti ilə əlaqədar məsələlərin müzakirəsində iştirak etmək;
- Həyatının, sağlamlığının və əməyin mühafizəsini təmin edən əmək şəraitində çalışmaq;
- İş yeri, vəzifəsi, aylıq əmək haqqı və əmək münasibətləri ilə bağlı digər məlumatlar barədə işəgötürəndən müvafiq arayışlar almaq.
Vəzifə tələbləri:
- Təhsil pilləsi (minimum): Bakalavr
- İxtisası: Fərq qoyulmur
- İş təcrübəsi (minimum): 1 (bir) ildən az olmayaraq əmək stajı
- Dil bilikləri: Azərbaycan; rus və ingilis dili (arzuolunandır)
- Kompüter bilikləri: MS ofis proqramları.
Vəzifənin tələb etdiyi səriştələr:
- Nizam-intizam
- Dürüstlük
- Məsuliyyət
- Yenilikçilik
- Etik davranış
- Nəticəyönümlülük
- Peşəkarlıq
- Dəqiqlik
- Təşəbbüskarlıq