Product Owner

İşin təsviri

Azərbaycan Beynəlxalq Bankının komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Peşəkar kollektivdə çalışmaq imkanı;
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirak;
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat;

Görəcəyiniz işlər:

• Məhsulların ümumilikdə uğur qazanması üçün prosesə rəhbərlik etmək;
• İstifadəçiləri müşahidə etmək, araşdırmaq, təhlil etmək və onlarla əlaqə yaratmaq;
• İstifadəçilərin tələblərini öyrənmək və onları qeyd etmək;
• Məhsul ilə bağlı tələbləri və əngəlləri aşkarlamaq üçün bir neçə komanda ilə əməkdaşlıq etmək;
• Yeni təkliflər hazırlamaq;
• Tələblər və yekun materialları proqramçılarla müzakirə etmək;
• Məhsullarla bağlı yerinə yetirilməmiş işlərin siyahısını tərtib etmək, yeniləmək və prioritetləşdirmək;
• Hər bir tapşırıq ilə bağlı qəbul meyarlarını müəyyən etmək;
• Qəbul testlərini tərtib etmək;
• Tələbləri açıq şəkildə komandaya izah etmək;
• Maraqlı tərəflərlə birlikdə məhsulun satışa buraxılmasının planlaşdırılması prosesini sürətləndirmək;
• Tapşırıqların planlaşdırılması ilə bağlı iclasda iştirak etmək;
• Maraqlı tərəflərlə əlaqə yaratmaq və bu əlaqələri davam etdirmək;
• Məhsullarla bağlı gedişatı izləmək və qiymətləndirmək;
• Məhsulun hazırlanma prosesində hərtərəfli şəkildə istiqamət verməklə proqramçı və dizayner komandalarına rəhbərlik etmək;
• İstifadəçi məmnuniyyətini artırmaq üçün faydalılıq barədə araşdırma və tədqiqatları məhsulla bağlı tələblərə daxil etmək ;

Bizim üçün ideal namizəd:

Qeyd olunan istiqamətlər üzrə yüksək bilik və peşəkar təcrübəyə sahib olmalıdır:
• Bank işi və digər müvafiq layihə işi üzrə minimum 2 il təcrübə və ya bank işi barədə dərin bilik;
• Tələblərin toplanması, informatika, məlumatların analizi və ya proqram təminatı sahəsində təcrübə;
• Proqram təminatının hazırlanması prosesi barədə biliklər;
• “Agile” metodologiyaları üzrə təcrübə arzu olunandır;
• Danışıqlar aparmaq və liderlik üzrə güclü bacarıqlar;
• Komandada və fərdi şəkildə işləmək bacarığı;
• Güclü təhlil və riyazi bacarıqlar;
• Strateji və taktiki düşüncə qabiliyyəti;
• İşə yüksək enerji və həvəslə yanaşmaq, ətrafındakı insanlara təsir göstərmək qabiliyyəti;
• Komandada səmimiyyət formalaşdıraraq rahat və effektiv iş mühiti yaratmaq;

Göstərilən tələblərə cavab verən namizədlər öz CV-lərini [email protected] elektron ünvanına göndərə bilərlər.
Məktubun mövzu hissəsində müraciət edilən vəzifə adının “Məhsul Sahibi ” göstərilməsi xahiş edilir. Əks təqdirdə, müraciətiniz nəzərdən qaça bilər.

İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.

Əlavə məlumat üçün: www.abb-bank.az

İşəgötürənin reytinqi

ABB ASC tərəfindən digər vakansiyalar

• Satınalma müqavilələrin idarə edilməsi və sənədləşmə şöbəsinin mütəxəssisi
• Mühafizə və rejim şöbəsinin mütəxəssisi
• Rəqəmsal marketinq şöbəsinin mütəxəssisi/aparıcı mütəxəssisi/baş mütəxəssis
• Biznes kreditlərinin təhlili şöbəsinin mütəxəssisi/aparıcı/baş mütəxəssisi
• Biznes kreditlərinin anderraytinqi şöbəsinin mütəxəssisi/aparıcı/baş mütəxəssisi