İşin təsviri
Vəzifə öhdəlikləri barədə məlumat:
- Mühasibat uçotunun 1C 8.3 kompüter proqramı vasitəsilə mühasibat uçotu standartlarına və uçot qaydalarına uyğun aparılmasını və müxabirləşmələrin verilməsində iştirak etmək;
- Vergilərin və icbari ödənişlərin düzgün hesablanmasını və aidiyyəti üzrə ödənilməsini təmin etmək;
- Şirkətin təqdim etməli olduğu vergi bəyannamələrinin, statistika və DSMF hesabatlarının, maliyyə, idarəetmə və digər hesabatların müəyyən edilmiş müddətlərdə tərtib edilməsini və aidiyyatı üzrə təqdim edilməsini təmin etmək;
- Vergi orqanından daxil olan kameral məktubların cavablandırılması;
- Dövlət orqanlarından, müvəkkil banklardan və digər şəxslərdən daxil olmuş, mühasibat uçotu və hesabatlarla bağlı rəsmi məktubları və sorğuları cavablandırmaq;
- Uçot siyasətinin formalaşdırılması və həyata keçirilməsində iştirak etmək;
- Şirkətin vergi orqanındakı şəxsi kabinetinin onlayn rejimində fasiləsiz olaraq monitorinqini aparmaq;
- Şirkət tərəfindən həyata keçirilən bütün təsərrüfat əməliyyatlarının mühasibat uçotunda düzgün əks etdirilməsini təmin etmək;
- Göndərilən E-qaimələrin vaxtında və düzgün təqdim edilməsi, gələn E-qaimələrə nəzarət etmək;
- İşçilərə əmək haqqının, məzuniyyət haqqının, kompensasiyaların, müavinətlərin və sair ödənişlərin düzgün hesablanmasını və ödənilməsini təmin etmək;
- İnternet-bankinq sistemi vasitəsilə bank ödəniş tapşırıqlarının hazırlanması, bank ödənişlərinin həyata keçirilməsi
- Cəmiyyətin bank hesablarındakı pul vəsaitlərinin hərəkətinə gündəlik nəzarəti həyata keçirmək;
- İnzibati, təsərrüfat və digər xərclərə, debitor və kreditor borclarının hərəkətinə nəzarət etmək;
- Mühasibat uçotu sənədlərinin qorunub saxlanmasını və vaxtaşırı arxivləşdirilməsini təmin etmək;
İş şərtləri:
- İş qrafiki: həftədə 5 gün, gündə 8 saat (saat 10:00 –dan saat 19:00-dək)
- Əmək haqqı müsahibə əsasında razılaşdırılır;
Namizədə tələblər:
- Maliyyə, mühasibat uçotu və iqtisadi sahədə ali təhsil;
- Mühasibat uçotunun aparılması sahəsində ən azı 2 illik iş təcrübəsi (İstehsalat fəaliyyəti sahəsində iş təcrübəsi arzu olunandır);
- MS Office proqramlarından, 1C 8.3 kompüter proqramından, BTP proqramından istifadə bacarığı;
- İnternet-banking sistemi ilə işləmək bacarığı;
- Elektron portallarda işləmək bacarığının olması (ƏMAS, e-sosial, e-taxes və s.)
- Beynəlxalq standartları (MHBS), mühasibat uçotu sahəsində qanunvericiliyi, vergi, əmək və sosial sığorta sahəsində qanunvericiliyi bilmək;
- Mülki Məcəllə üzrə ümumi biliklərə malik olmaq;
- Ünsiyyət, işgüzarlıq, əməkdaşlıq və təşkilatçılıq qabiliyyəti;
- Riyazi hesablamalar aparmaq və analitik təhlil etmək qabiliyyəti,
- Mal-materialların uçotunun aparılması üzrə biliklərə malik olmalı;
- Azərbaycan dilini mükəmməl bilmək, rus dilini yaxşı bilmək; ingilis bilmək üstünlükdür
Tələblərə uyğun şəxslər CV formalarını elektron poçt ünvanına, mövzu hissəsinə “Aparıcı mühasib” yazaraq göndərə bilərlər. Yalnız tələblərə cavab verən namizədlər ilə əlaqə saxlanılacaq.