Korporativ Satış üzrə menecer (Tikinti, Sənayə üzrə)

İşin təsviri

Şirkət haqqında:

2015 – ci ildə təsis edilmiş Uniform Express şirkəti müxtəlif sektorların və həmin sektorlara məxsus müxtəlif vəzifələrin işçi paltarlarının istehsalını, təhlükəsizlik avadanlıqlarını sifarişini həyata keçirir. Bu müddət ərzində özəl sektorun bir çox böyük, orta və kiçik şirkətləri ilə əməkdaşlıq etmək imkanı qazanmışıq və bu bizi sevindirir.

Şirkətimiz topdan və pərakəndə ticarətlə məşğuldur. Məhsulların istehsalında yüksək keyfiyyətli xammallardan istifadə olunur. Məhsulların keyfiyyəti şirkətimizin uğurlu fəaliyyəti üçün ən vacib amildir.
Bizim başlıca məqsədimiz  müştərilərə yüksək keyfiyyətli məhsullar və xidmətlər təqdim etmək, onların istəklərini tam qarşılamaq, müştəri məmnunluğunun tam təmin olunmasıdır.

Yüksək keyfiyyətli və həqiqətən faydalı bir məhsul yaratmaq məqsədilə, müştərilərimizlə daim işimizdə məhsullarımızı  birbaşa istifadə edən, fikirlərini dinləyən, dizayn dəyişiklikləri və məhsullarını daim təkmilləşdirən insanlar ilə qarşılıqlı əlaqə qururuq . Dizaynerlərimiz moda, dizayn, eləcə də geyim və parça istehsal texnologiyaları dünyasında mütəmadi olaraq tendensiyalara və müasir texnologiyalara diqqət yetirirlər, çünki, uniforma anlayışı digər aspektdən stil, kəsim, parça kimi faktorların görüntüsünü yaradan bir məvhumdur.
Forma öz daşıyıcısnın funksiyasını və təşkilatın mənsubiyyətini simvollaşdırır. Hər hansı təşkilatın, şirkətin, müəssənin geyim formasının mövcudluğu markalaşma və standart bir korporativ imicin formalaşdırılması üçün göstərilən səydir.

Əsas vəzifə və öhdəliklər:

• Təyin edilmiş aylıq/rüblük plana əsasən satış funksiyalarını yerinə yetirmək (müştəri görüşləri, təkliflər, zənglər və s.) 
• Mövcud müştəri bazasını genişləndirmək, yeni müştəriləri şirkətə cəlb etmək ( Müştərilərlə görüş almaq, görüşlər keçirmək, təkliflər hazırlamaq)
• Müştərilərlə rahat ünsiyyətin qurulması, onlara müəssisə və xidmətlər haqqında ətraflı məlumatların verilməsi, suallarının əsaslandırılmış formada cavablandırılması;
• Müştəri üçün koordinator rolunu icra etmək; ortaya çıxan problemləri həll etmək 
• Müştəri məmnuniyyətinin qorunması üçün mükəmməl xidmət göstərmək
• Satış mallarının yüksək səviyyədə təqdim olunması;
• Müştəri, bazar və rəqiblərlə əlaqədar informasiyaların hesabat şəklində əlaqədar şəxslərə çatdırılması;
• Satışla bağlı təkliflərin müştərilərə göndərilməsi və nəticənin izlənməsi;
• İnternet və digər media kanalları üzərindən potensial müştəri və tender axtarışı;
• Müştərilərə zəng və ya email vasitəsi ilə ilkin əlaqənin qurulması və randevuların təyin olunması.

Tələb olunan bilik, bacarıq və səriştələr:

• Güclü ünsiyyət və danışıq aparmaq qabiliyyəti;
• Müştərilərə malı təqdim etmək bacarığı
• Komandada işləmə, təşkilatçılıq, ünsiyyət və peşəkar münasibətlərin qurulması bacarıqları, analitik düşüncə qabiliyyəti və riyazi biliklər, aktivlik, çeviklik, və məsuliyyətlilik, təşkilatın missiyasına sadiqlik.

Tələb olunan təhsil və iş təcrübəsi:

• İqtisadiyyat  yönümlü ixtisaslar üzrə ali təhsil;
• Minimum 3 il müvafiq sahədə iş təcrübəsi.
• Korparativ satış istiqamətində çalışmış şəxslərə üstünlük verilir.

Əlavələr:

Maaş 400-500 + bonus ( maaş artandır)

Xanım və bəy namizədlər müraciət edə bilər.

Göstərilən tələblərə uyğun namizədlər öz CV-lərini mailin mövzu hissəsinə mütləq " Satış üzrə mütəxəssis " qeyd etməklə (əks halda belə müraciətlərə baxılmayacaq) [email protected] elektron ünvanına göndərə bilərlər. 

Uniform Express tərəfindən digər vakansiyalar

• Telemarketinq üzrə mütəxəssis
• Korparativ satış meneceri
• Dərzi
• Call center operator ( xanım )
• Satış üzrə mütəxəssis