Hüquqşünas

İşin təsviri

Vakansiyanın tələbləri: 

• Təhsil: Hüquq sahəsində ali təhsil.
• Müvafiq sahə üzrə iş təcrübəsi: - 3 ildən artıq
• Kompüter bilikləri: Microsoft Office proqramları (Word əla, Excel yaxşı, digər MS Office Suit proqramları arzuolunandır).
• Dil bilikləri: Azərbaycan dili (əla); Rus dili (yaxşı); İngilis dili (yaxşı).
• Bilməlidir:
• Mülki Məcəllə; 
• Mülki Prosessual Məcəllə;
• Cinayət Məcəlləsi; 
• Cinayət Prosessual Məcəllə; 
• İnzibati Xətalar Məcəlləsi;
• İnzibati Prosessual Məcəllə;
• Rəqabət Məcəlləsi;
• “Ödəniş xidmətləri və ödəniş sistemləri haqqında” Azərbaycan Respublikasının qanunu;
• Azərbaycan Respublikasının Mərkəzi Bankının normativ xarakterli aktları;
• “Normativ hüquqi aktlar haqqında” Azərbaycan Respublikasının Konstitusiya qanunu; 
• Vəzifə öhdəliklərinin icrası ilə əlaqəli digər sahəvi normativ hüquqi aktlar.

Vəzifə öhdəlikləri: 

• Cəmiyyətin qanuni maraqlarının qorunmasını öz səlahiyyətləri daxilində təmin etmək;
• Bölüm rəhbərinin tapşırıqlarını vaxtında, dəqiq və peşəkarcasına yerinə yetirmək;
• Bölümün üzərinə qoyulmuş öhdəliklərin, vəzifələrin və fəaliyyəti üzrə digər məsələlərin yerinə yetirilməsi üçün lazımi hüquqi təminatı həyata keçirmək;
• Etibarnamə əsasında dövlət orqanları, yerli özünüidarəetmə orqanları, hüquqi və fiziki şəxslər qarşısında, habelə məhkəmələrdə və mediasiya təşkilatlarında Cəmiyyətin maraqlarını təmsil etmək və qanuni mənafelərini müdafiə etmək;
• Məhkəmədə iddia qaldırılması ilə bağlı zəruri sənədləri toplamaq, onların təhlilini aparıb aidiyyəti məhkəməyə təqdim etmək; 
• Bölümün fəaliyyəti ilə bağlı olan Cəmiyyətdaxili təlimat, qayda və prosedurların layihəsinin hazırlanmasında iştirak etmək və bu normativ sənədlərin təkmilləşdirilməsi ilə bağlı təkliflər vermək;
• Gündəlik olaraq qanunvericilikdə dəyişiklikləri izləmək və Cəmiyyətin fəaliyyət istiqamətlərinə aid dəyişikliklər barədə Cəmiyyətin müvafiq struktur bölmələrini məlumatlandırmaq;
• Qüvvədə olan qanunvericilikdə dəyişikliklər edilməsi nəticəsində Cəmiyyətin idarəetmə orqanlarının qərarlarının, daxili prosedurların, qaydaların, müqavilələrin dəyişdirilməsi və ya xitam edilməsi barədə təkliflər hazırlamaq;
• Müqavilə bağlanılması nəzərdə tutulan kontragentlərin təsis sənədlərinin və müqavilənin bağlanması üçün əhəmiyyətli ola biləcək digər sənədlərin yoxlanılmasını təmin etmək;
• Cəmiyyətin idarəetmə orqanlarının qərar layihələrinin hazırlanmasında iştirak etmək, onların reyestrinin aparılmasını təmin etmək;
• Təssərufat müqavilələri üzrə hüquqi ekspertizanı həyata keçirmək, Cəmiyyətin tərəf olduğu digər müqavilələrə dair rəy və fikir bildirmək;
• Bölümün fəaliyyət istiqamətləri çərçivəsində Cəmiyyətin struktur bölmələri tərəfindən verilən sorğuları cavablandırmaq;
• Hüquqi məsələlərlə bağlı məktub, ərizə və şikayət layihələrinin hazırlanması;
• Vəzifə öhdəliklərin icrası ilə bağlı bütün növ rəsmi yazışmalar barəsində bölüm rəhbərini məlumatlandırmaq;
• Hüquq bölümünün səlahiyyətlərinə aid edilmiş digər funksiyaları və tapşırıqları yerinə yetirmək.

İş qrafiki: Həftəiçi 5 gün saat 09:00-dan 18:00-dək. 

Son müraciət tarixi: 31.07.2024 

Müraciət etmək üçün, CV-nizi email adresinə vakansiyanın adını qeyd etməklə göndərməyinizi xahiş edirik. 

Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır. 

Sizi İnsan Resursları məmnuniyyət səviyyəsini ölçmək üçün anonim sorğuda iştirak etməyə dəvət edirik: https://forms.office.com/Pages/ResponsePage.aspx?id=Rkl_UklgYES-nKnLg7gYmRZvreCVuNRNkD_tuaWMSJ1UMkcxNElEMU1FQVRXVDlYNklLTUpXTEU1MC4u

İşəgötürənin reytinqi

Golden Pay tərəfindən digər vakansiyalar

• Database Administrator (PostgreSQL & MySQL)
• Mid IOS Developer
• Əlaqə mərkəzi üzrə təmsilçi
• Baş Kredit Risk Analitik
• Layihə rəhbəri