İşin təsviri
Vakansiya təsviri:
Struktur bölmə: Hüquqi təminat şöbəsi
Vəzifə: Hüquqi təminat şöbəsinin mütəxəssis-hüquqşünası
Əmək haqqı: Ştat cədvəlinə uyğun olaraq
Tələb olunan işçi sayı: 1 (bir)
İş saatları (iş rejimi): 09:00 – 18:00
Son müraciət tarixi: 23.07.2023-cü il.
Vəzifə Öhdəlikləri:
- Komplayens ilə əlaqəli gələn sorğuların araşdırılması, cavablandırılması, təkliflərin verilməsi və hesabatların tərtib edilməsi;
- Səlahiyyətli orqanlardan gələn sorğu və ya müraciətlərin araşdırılmasının təşkili və cavab məktubunun təsdiqi;
- Aidiyyatı orqanlardan daxil olmuş normativ hüquqi aktların layihəsi üzrə təklif və rəylərin hazırlanması;
- Ehtiyac olduğu halda daxili sənədlərin hüquqi ekspertizasını aparmaq;
- Cəmiyyətin daxilində “Maraqların toqquşması” hallarına nəzarət və qeydiyyatının aparılması;
- Xüsusi komplayens indikatorlarına nəzarət edilməsi;
- Qanunvericilik aktlarını və onlara olunmuş əlavə və dəyişiklikləri araşdırıb aidiyyəti struktur bölmələrə göndərmək, əməkdaşların normativ-hüquqi aktlarla tanış olmasını təmin etmək və onların tətbiq olunması ilə bağlı izahlar vermək;
- Cərimə aktlarının qəbul edilməsi və tənzimlənməsi;
- Normativlərin və icrası məcburi olan göstərişlərin, norma və məhdudiyyətlərin yerinə yetirilməsinə nəzarət etmək;
- Hesabatların hazırlanması və göndərilməsini təmin etmək;
- Cəmiyyətin struktur bölmələri, habelə filial və nümayəndəlikləri tərəfindən qanunvericiliyin tələblərinə, o cümlədən sığortaçının müvafiq daxili sənədlərində müəyyən edilmiş daxili prosedurlara uyğun fəaliyyətin həyata keçirilməsinə nəzarət etmək və bununla bağlı yoxlamalar aparmaq;
- Daxili Audit departamenti, maliyyə bazarlarına nəzarət orqanı və digər kənar təşkilatlar tərəfindən aşkar edilmiş uyğunsuzluqların həlli üzrə tədbirlər planının icrasına nəzarət;
- Biznes proseslərin monitorinqi prosesində iştirak etmək, eləcə də nəticələr üzrə tədbirlər planının izlənilməsində iştirak etmək;
- Sığorta qaydalarının hazırlanmasında iştirak etmək və qaydaların nəzarət orqanı tərəfindən razılaşdırılmasını təmin etmək;
- Fəaliyyəti zamanı əməliyyat riski və ya insident aşkar etdikdə, müvafiq daxili normativ sənədlə müəyyən edilmiş qaydada və müddətdə bu barədə əlaqəli strukturun məlumatlandırılmasını təmin etmək.
Namizədə olan tələblər:
- İş təcrübəsi: Hüquq sahəsi üzrə 1 il iş təcrübəsi tələb olunur.
- Təhsili/ixtisası: Hüquq sahəsi üzrə bakalavr dərəcəsi.
- Dil bilikləri: Azərbaycan dili:əla, İngilis dili:əla, Rus dili:əla
- Üstünlüklər: Maliyyə sektoru, komplayens üzrə təcrübəsi olan namizədlərə üstünlük verilir.
- Kompüter bilikləri: MS Office: əla, MS PowerPoint: əla , MS Word: əla
- Fərdi keyfiyyət tələbləri: Nəticəyə əsaslanma, müştəri yönümlülük, inam yaratma, komanda işi, əməkdaşlıq və keyfiyyət yönümlülük, məlumat əldəetmə.
İmtiyazlar: Könüllü tibbi sığorta: 3 ay sonra işçinin özünün və öhdəliyindəki ailə üzvlərinin könüllü tibbi sığortası
*Yalnız ilkin seçim tələblərinə cavab verən namizədlərlə əlaqə saxlanılacaqdır.