Sistem inzibatçısı, İnformasiya Texnologiyaları Departamenti

İşin təsviri

Vəzifənin adı: Sistem inzibatçısı, Sistemin idarə edilməsi şöbəsi, İnformasiya Texnologiyaları Departamenti

Tabeçilik: Struktur bölmə rəhbərinə

VƏZİFƏ ÖHDƏLİKLƏRİ:

- Şəbəkə proqramlarının serverlərdə və iş stansiyalarında quraşdırılması;
- Serverlərdə və şəbəkə avadanlıqlarında sistemin tənzimlənməsi;
- Fayl serverlərində, verilənlər bazası idarəetmə sistemlərinin və iş stansiyalarında proqram təminatının inteqrasiyasını təmin etmək;
- Sistemdəki nasazlıqların və pozuntuların səbəblərini təhlil etmək, onların aradan qaldırılması, qarşısının alınması və bərpası;
- İstifadə olunan proqram məhsullarının keyfiyyətini və etibarlılığını artırmaq üçün təkliflər hazırlamaq;
- İstifadəçi hesabları və elektron poçt ünvanlarının yaradılması;
- İdentifikator və şifrə siyasətini təyin etmək;
- İstifadəçilərə şəbəkədən istifadə etməyi, arxiv idarəçiliyini öyrətmək; şəbəkə ilə əlaqəli istifadəçi suallarına cavab vermək; şəbəkə proqramı ilə işləmək üçün təlimat tərtib etmək və istifadəçilərin diqqətinə çatdırmaq;
- İnternet resurslarının istifadəsinə nəzarət etmək;
- Xarici, daxili, beynəlxalq rabitə və internet çıxışlarını təmin etmək və fəaliyyətinə nəzarət etmək;
- İstifadəçilər üçün məhdudiyyəti qurmaq: serverlər və digər resurslar üçün;
- Məlumatların (bazaların), serverlərin, şəbəkə avadanlıqlarının surəti və ehtiyat nüsxəsini təmin etmək;
- İnformasiya sisteminin dayanıqlığını artırmaq üçün təkliflər hazırlayır, müəssisənin informasiya infrastrukturunun və informasiya xidmətlərinin inkişafı strategiyasının hazırlanmasında iştirak edir;
- İstifadəçilərin və şəbəkə proqramlarının səhvlərini aşkar edir və sistemi bərpa edir;
- Şəbəkəyə nəzarət etmək, şəbəkə infrastrukturunun inkişafı üçün təkliflər hazırlamaq;
- Şəbəkə təhlükəsizliyini (məlumatlara icazəsiz daxil olmaqdan, system faylları və məlumatların görünməsindən və ya dəyişdirilməsindən qorunması) və işləmə təhlükəsizliyini təmin etmək;
- Şəbəkə və server avadanlıqlarının modernləşdirilməsi və alınması üçün təkliflər hazırlamaq;
- Məlumat sistemi komponenetlərinin (əməliyyat sistemi, antivirus qorunması, firewall, proqram paketləri, yeniləmə, alt sistemləri və s.) səmərəli və fasiləsiz işləməsini təmin etmək;
- Şəbəkənin, serverlərin və iş stansiyalarının antivirus ilə qorunmasını həyata keçirmək;
- Telefoniya sisteminə nəzarət etmək və yaranan problemlərə qarşı lazımi tədbirlər görmək.

TƏHSİL / TƏCRÜBƏ :

- Analoji sahədə ən azı 3 il iş təcrübəsi;
- Adları qeyd olunmuş sertifikatların olmasına üstünlük verilir: Microsoft Windows Server Certificates (MTA, MCSA, MCSD, MCSE), RHCSA, RHCE, VCA, VCP, VCAP, VCDX, Comptia Network +, Comptia Server +, HPE Certificates;

ƏLAVƏ MƏLUMATLAR :

- Əmək haqqı razılaşma əsasında;
- Şirkət tərəfindən naharla, nəqliyyatla təmin edilmə;
- İş vaxtı: Bazar ertəsi – Cümə, 09:00 – 18:00, 5 günlük iş həftəsi;
- İş yeri Sumqayıt şəhəri, H.Z.Tağıyev qəsəbəsində yerləşir;
- Göstərilən tələblərə cavab verən namizədlərdən CV-lərini mövzu yerinə “Sistem inzibatçısı, İnformasiya Texnologiyaları Departamenti” yazaraq [email protected] ünvanına göndərilməsi xahiş olunur;
- Yalnız tələblərə cavab verən namizədlər müsahibəyə dəvət olunacaqdır.

“STP” MMC irqi, rəngi, dini, cinsi, milli mənşəyi, yaşı, əlilliyi və genetikası nəzərə alınmadan bütün işçilərinə və müraciət edənlərə bərabər iş imkanlarını təqdim edir. Dövlət qanunlarının tələblərinə əsasən, “STP” MMC-yə istənilən ərazidən müraciət edən namizədlərin / işçilərin işə qəbulunda ayrı-seçkilik etmir və bunu qayda-qanunlara uyğun olaraq həyata keçirir. Bu siyasət işə qəbul, işə götürmə, yerləşdirmə, vəzifə artımı, xitam vermə, geri çağırılma, yerdəyişmə, icazə, kompensasiya və təlim daxil olmaqla bütün qayda və şərtlərinə şamil olunur.

Sumgait Technologies Park tərəfindən digər vakansiyalar

• Project Manager
• Data analitik və hesabatlıq üzrə mütəxəssis
• Baş Hüquqşünas
• Mühəndis-konstruktor
• Baş mühasib