Aqronom

İşin təsviri

İş yeri: Göyçay, Kürdəmir, Ucar, Sabirabad, Hacıqabul, İmişli və Saatlı rayonları (hər rayona 1 aqronom).

İşəgötürən təşkilat: “Azərbaycan Nar İstehsalçıları və İxracatçıları Assosiasiyası” İctimai Birliyi.

Layihə:

“Narçılıq dəyər zəncirində üstün keyfiyyətin əldə edilməsi və dəyişikliklərə dəstək” (STEP). STEP layihəsi çərçivəsində narçılığın geniş yayıldığı Aran iqtisadi rayonunun Göyçay, Kürdəmir, Ucar, Sabirabad, Hacıqabul, İmişli və Saatlı rayonlarında təqribən 2000 mikro və kiçik narçı fermerlərin maddi rifahına təsir göstərəcək məsləhət xidmətləri icra ediləcək.

Ümumi məlumat:

Aqronom, fermerlərə aqronom məsləhəti vermək məqsədilə gündəlik olaraq təyin olunmuş bölgələrin müxtəlif kəndlərindəki kiçik təsərrüfatlara baş çəkəcəkdir. Aqronom öz işini Aqronomiya və Aqrar İstehsal üzrə Məsləhətçi ilə razılaşdırılmış şəkildə həyata keçirir. Aqronomun gündəlik fəaliyyətinin məqsədi istehlakçılar üçün zərərsiz olan bağçılıq texnologiyasının tətbiqi ilə meyvə bağlarının daha məhsuldar olmasına kömək etməkdir.

Vəzifələr

• Narçı fermer təsərrüfatlarına təyin olunmuş bölgə daxilində baş çəkərək aqronom xidməti təklif etmək;
• İnnovativ tədqiqatlara əsaslanan nar yetişdirmə üsullarının tətbiqində fermerlərə istiqamət vermək;
• Meyvə yetişdirilməsi və meyvəçilik təsərrüfatının idarə edilməsi strategiyalarını hazırlamaq və icra etmək;
• Meyvəçilik təsərrüfatının idarə edilməsi və zərərvericilərə qarşı mübarizə sahəsində fermerlərə təlimlər vermək;
• Aqronomun işlədiyi fermerlərin, onların xüsusi tələbatlarının, bağlarında həyata keçirilən fitosanitar proqramların, gündəlik ziyarətlərin qeydiyyatını aparmaq;
• Layihədə iştirak edən hər bir təsərrüfat üzrə həftəlik və illik fəaliyyət hesabatları hazırlayıb təqdim etmək;
• Hər növbəti həftə üçün Aqronomiya və Aqrar İstehsal üzrə Məsləhətçiyə iş planı təqdim etmək.

Tələblər

• Aqronomluq, aqrokimya, bitki mühafizəsi, bağçılıq və tərəvəzçilik sahələri üzrə diplom;
• Aqronomluq, aqrobiznes, kənd təsərrüfatı iqtisadiyyatı, qida sistemləri sahəsində ən azı 5 il müddətində müvafiq iş təcrübəsi;
• Digərlərini təlim etmək bacarığı;
• Güclü ünsiyyət, təşkilatçılıq və sərbəst işləmək bacarığı;
• MS Office (Word, Excel, Power Point) istifadə etmək bacarığı;
• Müvafiq rayon çərçivəsində kəndlərə gündəlik səfər etmək imkanı.

Maraqlanan namizədlərdən öz CV-lərini [email protected] poçt ünvanına, mövzu bölməsində “Aqronom” yazmaqla göndərmələri xahiş olunur.

Azərbaycan Nar İstehsalçıları və İxracatçıları Assosiasiyası tərəfindən digər vakansiyalar

• Brand and Advertisement Specialist
• Mətbuat katibi
• Ofis meneceri / satınalma koordinatoru
• Məsləhət xidmətləri üzrə konsultant - Gender məsələləri üzrə mütəxəssis
• Kənd yerlərində məsləhət xidmətləri üzrə mütəxəssis