Yığım üzrə Regional Menecer (Bakı və Gəncə regionları üzrə)
- DəmirBank ASC
-
Elanın qoyulma tarixi: 03.08.2017Vakansiyaya müraciət tarixi bitmişdir.
İşin təsviri
DəmirBank ASC Problemi Kreditlər Departamentinə Yığım üzrə Regional Menecer vəzifəsinə işəqəbul elan edir (Bakı və Gəncə regionları üzrə)
28 illik tarixə və zəngin təcrübəyə malik olan DəmirBank ölkədə aparıcı banklardan biri olmaqla Azərbaycanın əksər regionlarında öz müştərilərinə geniş çeşiddə bank xidmətləri göstərir və onların rifahı üçün çalışır. Bu məqsədləri həyata keçirmək yolunda yorulmadan səy göstərən peşəkar əməkdaşlarımızla ilə fəxr edirik və Sizi də DəmirBank ailəsinə, onun mehriban kollektivinə və qaynar korporativ həyatına qoşulmağa dəvət edirik.
Vəzifə öhdəlikləri:
• Filialın kredit portfeli üzrə yığım prosesini həyata keçirmək üçün Kreditlərin Yığımı Departamenti və filial müdirləri ilə birbaşa iş aparmaq;
• Yığım prosesinin optimallaşdırılması işinin təşkilində dəstək göstərmək;
• Filialda fəaliyyət göstərən kredit mütəxəssisləri üçün yığım üzrə daxili təlimlərin keçirilməsini təmin etmək;
• Müvafiq filialdakı yığım və icra şöbəsinin mütəxəssislərinin fəaliyyətini koordinasiya etmək;
• Mütəmadi olaraq filiallara və müvafiq ticarət obyektlərinə vizitlər həyata keçirməklə problemli borcalanlarla ödənişin həyata keçirilməsi üzrə müzakirələr aparmaq;
• Məhkəmə və icra orqanlarına təqdim edilən problemli kredit işlərini nəzərdən keçirmək, işin qurulmasını təmin etmək.
Namizədə qarşı tələblər:
• Ali təhsil (iqtisadiyyat və idarəetmə sahələri üzrə);
• Kredit sahəsində minimum 3 il iş təcrübəsinə malik olmalı;
• İdarəetmə sahəsində 1 il təcrübə olmalı;
• Yüksək kommunikasiya və komandada işləmə bacarığına sahib olmalı;
• Dinamik və sürətli işləmə keyfiyyətlərinə malik olmalı;
• Stres altında işləyə bilmə bacarığına sahib olmalı;
• Yüksək ünsiyyət və əlaqə qurma bacarığına malik olmalı;
• Hüquq üzrə biliklər (üstünlük verilir);
• Rus və ya ingilis dili bilikləri (üstünlük verilir).
Göstərilən tələblərə cavab verən namizədlər öz CV-lərini 11 avqust 2017-ci il tarixinədək [email protected] elektron ünvanına göndərə bilərlər.
Müraciət etdiyiniz vəzifənin adını email-in mövzu hissəsində “Regional Menecer” göstərməyiniz xahiş olunur. Əks təqdirdə belə müraciətlilərin namizədliyinə baxılmayacaqdır.
Yuxarıda qeyd edilənləri nəzərə alaraq bildirmək istəyirik ki, işə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.
DəmirBank özünün insan resursları siyasətinə əsasən müraciətçilərə bərabər seçim imkanları yaradır. Vakansiyanın tələblərinə cavab verən bütün namizədlər yaş, cins, irq və başqa fiziki xüsusiyyətlərinə, milliyyətinə, ailə vəziyyətinə, sosial-iqtisadi durumuna, baxışlarına görə ayrıseçkilik edilmədən nəzərdən keçiriləcəkdir.
DəmirBank ASC tərəfindən digər vakansiyalar
