Aparıcı Müfəttiş

İşin təsviri

Bank haqqında

“Bank of Baku” Açıq Səhmdar Cəmiyyəti 1994-cü ildə yarandığı andan bu günə kimi öz fəaliyyətinin bir neçə fundamental istiqamətinə sadiq qalır. Bank pərakəndə biznes, kiçik və orta sahibkarlıq, böyük korporativ biznesi dəstəkləyir və müştəri xidmətləri keyfiyyətinin artırılmasına davamlı səy göstərir.

“Bank of Baku” bir çox bank məhsul və xidmətlərinin Azərbaycanda tətbiqində və dünyanın qabaqcıl bank təcrübəsinin ölkədə yayılmasında “pioner” rolunu oynayıb. Məhz “Bank of Baku” hissə-hissə ödənişli kredit kartlarını ölkədə ilk dəfə kütləvi dövriyyəyə buraxdı, istehlak kreditlərinin rəsmiləşdirmə şərtlərini xeyli sadələşdirdi, daimi müştərilər üçün imtiyazlar klubu təsis etdi və s.

Cəmiyyət qarşısında öz məsuliyyətini dərk edən “Bank of Baku” çoxsaylı sosial layihələr həyata keçirir. Təhsil sahəsində əməkdaşlığa, həmçinin xüsusi qayğıya ehtiyacı olan insanlar üçün müxtəlif layihələrin həyata keçirilməsinə prioritet diqqət yetirilir. Bankımız haqda daha ətraflı məlumatı http://www.bankofbaku.com/ saytından əldə edə bilərsiniz.

Vəzifə: Aparıcı Müfəttiş

Departament/şöbə: Daxili Audit Departamenti

Əsas vəzifə və öhdəliklər

 Daxili nəzarət sistemlərinin effektivliyi və uyğunluğunun yoxlanılması və qiymətləndirilməsi
 Risklərin qiymətləndirilməsi medotologiyası və risklərin idarə edilməsində prosedurlarının tətbiqinin və effektivliyinin yoxlanılması və qiymətləndirilməsi
 Aktivlərin qorunması sistemlərininin yoxlanılması və qiymətləndirilməsi
 Risk ehtimalı ilə əlaqədar bank kapitalının yoxlanılması və qiymətləndirilməsi
 Fəaliyyətlərin səmərəliliyinin və xərclərin effektivliyinin (qiymət baxımından sərfəlilik) qiymətləndirilməsi
 Qayda və prosedurların həyata keçirilməsini, qanunvericiliyə və davranış məcəlləsinə riayət olunmasını təmin edən sistemlərin yoxlanılması və qiymətləndirilməsi
 Səhmdarların Ümumi Yığıncağı, Müşahidə Şurası, Audit Komitəsi və İdarə Heyəti tərəfindən qəbul olunmuş qərarların icrasının təftişinin və auditinin aparılması və s.

Seçim meyarları

 Ali təhsil (maliyyə, iqtisadiyyat)
 Sahə üzrə 1-3 il iş təcrübəsi
 Azərbaycan dili - əla, rus və ingilis dilləri – yaxşı
 MS Office proqramları ilə işləmə bacarığı (MS Excel-də praktik işləmə bacarığı)
 Yüksək təhlil qabiliyyəti
 Təzyiq altında işləmə bacarığı
 Xarici audit şirkətində iş təcrübəsi olanlara üstünlük verilir

İş şərtləri

 Iş vaxtı: 5 iş günü, 09.00-18.00
 İş yeri: Baş Ofis
 Əmək haqqı: təcrübədən asılı olaraq

Müraciət üçün son tarix: 30/06/2016

Yuxarıdakı tələblərə uyğun namizədlər öz CV-lərini [email protected] ünvanına göndərə bilərlər. Məktubun mövzu hissəsində Audit sözünü qeyd etməyi unutmayın!

İşəgötürənin reytinqi

Bank of Baku tərəfindən digər vakansiyalar

• Mikrokreditlər üzrə bölmə rəhbəri (Bakı filialları)
• Mikrokreditlər üzrə Bölmə Rəhbəri (Bakı filialları)
• Kassa bölməsinin kiçik eksperti (Lənkəran)
• Mikrokreditlər bölməsinin kiçik eksperti (Yeni Gəncə filialı)
• Mikrokreditlər bölməsinin kiçik eksperti (Bakı filialları)