Aparıcı hüquqşunas

İşin təsviri

İş şəraiti:

• İş yeri: Port Baku Tower 1
• İş rejimi: Tam ştat
• Hesabat verir: Direktor və Baş Maliyyə İnzibatçısına

İşin Xülasəsi:

Aparıcı Hüquqşünas şirkətin fəaliyyətində bütün hüquqi məsələlərin idarə olunmasına və nəzarət edilməsinə cavabdeh olacaq. Bu vəzifə bağlanan müqavilələrin, əməliyyatların və layihə üzrə hüquqi proseslərin qüvvədə olan qanunvericiliyə, korporativ siyasətlərə və müvafiq normativ aktlara tam uyğunluğunu təmin edir. Hüquqşünas şirkətin hüquqi maraqlarının qorunması, risklərin azaldılması və tərəfdaşlarla münasibətlərdə hüquqi dəstəyin göstərilməsi məqsədilə rəhbərlik, struktur bölmələri, dövlət qurumları və xarici tərəfdaşlar arasında əsas əlaqələndirici funksiyanı yerinə yetirəcək.
Vəzifə Öhdəlikləri:

• Şirkətin fəaliyyətində bütün hüquqi məsələlərin mövcud qanunvericilik, normativ aktlar və daxili siyasətlərə uyğunluğunu təmin etmək;
• Müqavilələrin, hüquqi sənədlərin və öhdəliklərin milli və beynəlxalq hüquqi tələblərə uyğun hazırlanmasına, icrasına və təhlilinə nəzarət etmək;
• Layihə, satınalma və digər kommersiya fəaliyyətlərində hüquqi riskləri qiymətləndirmək və onların idarə olunması üzrə tövsiyələr vermək;
• Şirkətin maraqlarını məhkəmə, arbitraj və digər hüquqi instansiyalarda təmsil etmək və hüquqi müdafiəni təmin etmək;
• Hüquqi rəylər, arayışlar və tövsiyələr hazırlamaq, rəhbərliyə və struktur bölmələrinə dəstək göstərmək;
• Dövlət orqanları, podratçılar, tərəfdaşlar və digər maraqlı tərəflərlə hüquqi məsələlərin həlli istiqamətində əməkdaşlıq etmək;
• Hüquqi sənədlərin (müqavilələr, memorandumlar, aktlar və s.) düzgün tərtib olunmasına, yoxlanılmasına və təsdiqinə nəzarət etmək;
• Şirkət rəhbərliyi tərəfindən verilən digər hüquqi xarakterli tapşırıqları icra etmək.

Namizədə tələblər:

• Hüquqşünaslıq üzrə ali təhsil;
• Korporativ hüquq, müqavilə hüququ və kommersiya fəaliyyətləri ilə bağlı sahələrdə ən azı 5–7 il iş təcrübəsi;
• Azərbaycan Respublikasının qanunvericiliyi, beynəlxalq hüquqi normalar və kommersiya hüququ üzrə dərin biliklər;
• Müqavilələrin hazırlanması, hüquqi rəylərin verilməsi və hüquqi risklərin idarə olunması üzrə təcrübə;
• MS Office proqramlarında sərbəst işləmək bacarığı;
• Azərbaycan və ingilis dillərini mükəmməl səviyyədə bilmək;
• Güclü analitik düşüncə, danışıqlar aparmaq və operativ qərarvermə bacarığı;
• Məsuliyyətli, təşəbbüskar və peşəkar yanaşma nümayiş etdirməsi.

Müraciət qaydası:

Maraqlanan namizədlər öz CV və müşayiətedici məktublarını, mövzu hissəsində vakansiyanın adını göstərməklə, Müraciət Et düyməsində göstərilən elektron poçt ünvanına göndərməlidirlər.