Daxili Audit Departamentinin Mütəxəssisi

İşin təsviri

Vəzifə: Daxili Audit Departamentinin Mütəxəssisi.

Cins: Fərqi yoxdur (Ümumi müsahibə nəticələrinə əsasən eyni biliklərə, bacarıqlara və keyfiyyətlərə malik olan namizədlərdən kişi namizədlərə üstünlük veriləcək).
İşçi sayı: 3.
Yaş həddi: 22-30.
Təcrübə: Minimum 2 il mühasibat uçotu və ya audit sahəsində iş təcrübəsi.

Vəzifə təlimatı:

Risklərin idarəetməsi, daxili nəzarət mühiti və korporativ idarəetmə proseslərinin müntəzəm qiymətləndirilməsinə dair audit yoxlamalarında iştirak etmək, belə yoxlamalarda həmin proseslərinin inkişafına dair tövsiyyələri vermək. Şirkətin təlimatları, siyasətləri və prosedur qaydalarının yaradılmasında yaxından iştirak.

Hesabat verir: Daxili Audit Departamentinin Direktoruna.

Səlahiyyət  və öhdəliklər:

1. Audit planları əsasında audit proqramlarının tərtib edilməsində iştirak etmək.
2. Audit planları və proqramları əsasında daxili audit yoxlamalarını aparmaq.
3. Şirkətin siyasətləri, prosedurlar, standartlar və digər normativ sənədləri qiymətləndirmək.
4. Audit yoxlamaları nəticəsində şirkət siyasətlərinin, prosedurlarının, standartlarının və digər normativ sənədlərin tətbiq edilməsinə dair rəy bildirmək.
5. Şirkətdə yaranan qabaqcıl təcrübələrin qiymətləndirilməsini aparmaq və rəy vermək.
6. Dövri olaraq daxili audit yoxlamalarını aparmaq, nəticələr haqqında hesabatları və rəylər hazırlamaq.
7. Müstəqil (kənar) audit proseslərinə dəstək olmaq.
8. Korporativ idarəetmənin qiymətləndirilməsinə dair testlər aparmaq və tapşırıqları yerinə yetirmək.
9. Daxili nəzarət mühitinin qiymətləndirməsinə dair testlər aparmaq və digər tapşırıqları yerinə yetirmək.
10. Şirkətin Daxili nəzarət mühitinin inkişafına dair təkliflər irəli sürmək.
11. Şirkətdə risk idarəedilməsinin inkişafına dair təkliflər irəli sürmək, o cümlədən risk təhlillərin aparılması qaydasına rəy bildirmək.
12. Daxili audit yoxlamaları zamanı mənimsəmə və saxtakarlıq  risklərinin qiymətləndirilməsini aparmaq.
13. Mənimsəmə və saxtakarlıq hadisələrin araşdırılmasında Departamentinin adından iştirak etmək.
14. Departament büdcəsinin hazırlamasında iştirak.
15. Şirkətin aylıq, rüblük və illik hesabatlarını yoxlamaq.
16. Bütün növ iş sənədlərinin qorunub saxlanılmasını təmin etmək.

Təhsil səviyyəsi:

İqtisadiyyat, idarəetmə, maliyyə və ya mühasibat uçotu üzrə ali təhsil bakalavr dərəcəsi; həmin sahədə peşəkar kvalifikasiya sahiblərinə, hüquqi sənədlərinin yoxlaması və İT audit təcrübəsinə malik olan namizədlərinə üstünlük veriləcək.

Dil bilikləri: Azərbaycan - sərbəst, rus - orta, ingilis – orta (sərbəst bilən namizədlərə üstünlük veriləcək), türk - başlanğıc.

Texniki bilik və bacarıqlar:

• MS Office proqramlarını sərbəst bilmək  və tətbiq etmək.

Sahə üzrə bilik və bacarıqlar:

• Daxili auditi;
• Risklərin idarəedilməsini (o cümlədən, müxtəlif sahələrdə (satış, marketinq, logistika və sair) iş təcrübəsinə malik olan);
• BMHS (o cümlədən, maliyyə konsolidasiyası);
• İqtisadi sahədə qanunvericiliyi;
• Mənimsəmə və saxtakarlığın idarəedilməsini;
• Korporativ idarəetməni;
• Logo Tiger ERP və ya Mikro proqramını

sərbəst tətbiq edə bilən namizədlərə üstünlük veriləcək.

Şəxsi keyfiyyətlər:

 Analitik düşüncə;
 Yüksək nəzakət;
 Təşəbbüskarlıq;
 Qərar vermə qabiliyyəti;
 Dürüstlük;
 Obyektivlik;
 Etibarlılıq;
 Məxfililiyin qorunması bacarığı;
 Daimi inkişafa meyillilik və təhsil almağa bacarığı;
 Stresə dözümlülük;
 Komandada işləmək bacarığı;
 Mübahisələrin həll edilməsi;
 Effektiv kommunikasiya;
 Əlaqələndirmə; 
 Nəzarət.

Müsabiqə zamanı öz təşəbbüsü ilə Şirkətimizin maliyyə uçotu və idarəetmə uçotunun əsasları üzrə imtahanından keçən namizədlərə üstünlük veriləcək. Qeyd edilən imtahan ACCA ( F2, F3), CIMA (C1, C2) və onlara uyğun imtahanlardan keçmiş namizədlərə şamil edilmir.

Müraciətlərinizi  (şəkliniz olmaq şərtilə)  01.11.2014-cü il tarixinə qədər mövzu yerinə vəzifə adını qeyd edərək [email protected] ünvanına göndərməyinizi xahiş edirik.  Müraciətlərin dəyərləndirilməsi (test,müsahibə mərhələləri) 01.12.2014 tarixinə qədər davam edəcək.

tərəfindən digər vakansiyalar

• Back-end proqramçı
• Mağaza Rəhbəri
• Baş energetik
• Reporting and Budgeting Specialist
• Satış üzrə mütəxəssis