Mühasib

İşin təsviri

İş barədə məlumat:

• İş yeri: Qaradağ ray, Səngəçal qəs,Salyan şossei 47-ci km.
• Əmək haqqı təcrübədən asılı olaraq 900-1200 AZN (net) olacaqdır. 
• Nahar və nəqliyyat şirkət tərəfindən təmin olunur
• İş rejimi - 5 günlük
• Müəssisənin balansında olan əsas vəsaitlərin, mal-material qiymətlilərinin bütün əməliyyatlar üzrə (uçota qəbul, daxili yerdəyişmə, uçotdan silinməsi, müvafiq sənədləşmələrin aparılması və s.) uçotunu təşkil etmək və əməliyyatların müvafiq proqram təminatına işlənilməsi;
• Əsas vəsaitlərin, mal-material qiymətlilərinin və digər aktivlərin mütəmadi olaraq sayımı və inventarizasiyasını təşkil etmək və inventarizasiyanın nəticələrini rəsmiləşdirmək;
• Əsas vəsaitlər və mal-material qiymətlilərinin maddi-məsul şəxslərin maddi məsuliyyətinə təhvil verilməsi əməliyyatlarını rəsmiləşdirmək və hər ayın sonu onlardan mal-material qiymətlilərinin hərəkəti üzrə hesabatları tələb etmək; 
• Ödəniş vaxtı keçmiş debitorlardan ödənişlərin mütəmadi yığılması üçün danışıqlar aparmaq və rəsmi müraciətlər göndərmək;
• Debitorlar və kreditorlarla üzləşmələrin aparılmasına dəstək olmaq, problemli debitor və kreditorları araşdırmaq və həlli istiqamətində təkliflər vermək;
• Ay bağlantıları ilə əlaqədar əməliyyatların yerinə yetirilməsinə dəstək olmaq;
• Aylıq və illik statistik hesabatları tərtib və təqdim etmək;
• Bank, kassa ödənişlərinin icrasına və bununla əlaqədar əməliyyatların müvafiq proqram təminatına işlənməsinə dəstək olmaq;
• E-qaimələri təqdim edilən, lakin anbara daxil olmayan və ya e-qaimədəki miqdardan fərqli daxil edilən malların miqdarını anbar və satınalma şöbəsi ilə dəqiqləşdirmək və lazım gəldikdə e-qaimələri qarşı tərəfə düzəlişə və ya ləğvə göndərmək, təhvil-təslim aktları mühasibatlığa təhvil verilməmiş göstərilmiş xidmətlərin aktlarının qısa zamanda mühasibatlığa təhvil verilməsini təşkil etmək;
• Avans ödənilən, lakin mal və ya xidmət təqdim etməyən təchizatçıları araşdırmaq, geri qaytarılmalı olan ödənişlərin vaxtında qaytarılması üçün təchizatçı şirkətlərlə yazışmalar, danışıqlar aparmaq, tələb olunduqda müvafiq üzləşmələr etmək;
• Rəhbərlik tərəfindən verilən digər tapşırıqların icra edilməsi.

Vəzifəyə dair tələblər:

• Ali təhsil (İqtisadiyyat, maliyyə, mühasibat uçotu);
• Mühasib kimi 1 ildən çox iş təcrübəsi;
• 22 – 30 yaş aralığında namizədlərə üstünlük veriləcəkdir;
• Microsoft Office (xüsusilə Excel) yaxşı səviyyədə bilməli;
• Vergi məcəlləsi və mühasibat uçotu ilə əlaqədar digər qanunlardan məlumatlı olmaq;
• Dürüst, çalışqan, məsuliyyətli olmalı; 
• İşdə dəqiqlik və detallara fikir vermə qabiliyyəti;
• Yüksək analitik təhlil, iri həcmli məlumatları işləmək bacarığı olmalı;
• Təyin edilmiş vaxta qədər eyni zamanda bir neçə tapşırığı yerinə yetirmək bacarığı;
• Yüksək səviyyədə ünsiyyət bacarıqları.

Maraqlanan şəxslər öz CV-lərini mövzu hissəsində vəzifəninin adını qeyd edərək elektron ünvanına göndərməlidirlər.

AAC MMC tərəfindən digər vakansiyalar

• Avtomatika,qazanxana və nasosxana üzrə mütəxəssis
• Sürücü-yük maşını
• Anbardar
• Avtomatika,qazanxana və nasosxana üzrə mütəxəssis
• Sürücü (avtobus)