Mühasib

İşin təsviri

İş şərtləri:

• Stabil iş
• AR Əmək Məcəlləsinə əsasən sənədləşmə
• Əmək haqqı: Namizədin bilik və bacarıqlarına uyğun olaraq müsahibə zamanı müzakirə olunacaq
• İş saatı 1-5-ci günlər 08:30-dan 17:30-a kimi
• İstirahət: Şənbə, Bazar günü
• İcbari  sığorta
• Komfort iş şəraiti
• Perspektivli iş
• Mehriban kollektiv

Mühasibə aid tələblər:

• İqtisadiyyat və mühasibat sahəsində ali təhsil;
• İş təcrübəsi: minimum 4-5 il; 
• Əmək haqqı hesablanması üzrə iş təcrübəsi; 
• Gömrük deklarasiyaları (yük gömrük bəyannamələri) ilə iş təcrübəsi;
• Sahə üzrə biliklər;
• Analoji peşə üzrə kurslar;
• Mühasibat  ilə bağlı sertifikatın olması;
• Vergi Uçotu üzrə sertifikatın olması;
• Azərbaycan, rus  və ingilis dilini bilməli;
• Vergi məcəlləsi, Əmək məcəlləsi, ƏƏCMN-nin DSMF haqqında normativ-hüquqi aktları haqqında biliklərinin olması;
• Kargüzarlıq işlərini bilmək;
• Kompyuter bacarıqları: Internet Explorer, Microsoft Office, 1C 8, QuickBooks 15.0, BTP, EFP, B1, B3 proqramları ilə işləmə bacarığı.  Online prosedurları həyata keçirmə bacarığı;
• E-poçtla işləmək;
• İşgüzar yazışmalar;
• Danışıqların təşkili;
• Müvafiq dövlət orqanları ilə danışıqlar aparmaq;
• Ofis avadanlıqlarından sərbəst şəkildə istifadə etmək bacarığı; 
• İdarəçilik  qabiliyyəti, təşkilatçılıq, büdcələşdirmə bacarığı; kommunikasiya bacarıqları;  lider keyfiyyəti, problemləri həll etmə bacarığı;
• Geyim qaydalarına və geyim formasına riayət etmək;
• Əmək intizamının yüksək olması;
• Təhlükəsizlik qaydalarına əməl etməsi.

Mühasib bilməlidir:

• Azərbaycan Respublikasının Əmək və Vergi Məcəlləsini;
• «Caspian Services Group» MMC-nin maliyyə-təsərrüfat fəaliyyətini;
• Mühasibat uçotunun hesablar planının tətbiqinin əsas müddəalarını;
• «Caspian Services Group» MMC-nin Nizamnaməsini;
• «Caspian Services Group» MMC-nin Direktorunun əmr və göstərişlərini;
• Kargüzarlığın aparılması işini, daxili normativ, metodik və digər rəhbər materialları;
• Müvafiq normativ-hüquqi sənədləri, müəssisədaxili normativ sənədləri;
• Mühasibat sahəsi üçün qanunvericilik aktlarını və normativ sənədləri bilməli;
• Maliyyə büdcəsinin hazırlanma qaydaları;
• Maya dəyərinin hesablanması qaydaları;
• Mühasibat sənədlərinin düzgün tərtib edilməsi qaydalarını;
• Bütün növ hesabatların hazırlanması qaydalarını;
• Mühasibat (maliyyə) hesabatlarının müəyyən edilmiş müddətlərdə tərtib və təqdim edilməsi; 
• Mühasibat və vergi uçotunun aparılması qaydalarını;
• İşçilərin əmək haqqlarının və digər ödənişlərinin aparılması qaydalarını;
• Bank əməliyyatlarının həyata keçirilməsi qaydalarını;
• İşgüzar ünsiyyətin əxlaqını və peşə etikası qaydalarını;
• Elektron hökümət portalından istifadə etmək qaydasını;

Mühasibin vəzifələri:

• Vəzifə təlimatını, SƏTƏM , İR və şirkət qaydalarını bilməlidir; 
• Rəhbərlik/Menecer tərəfindən verilən tapşırığı tam və vaxtında yerinə yetiriməlidir;
• İşi düzgün və operativ aparmaq  üçün digər şöbələr ilə razılaşdırmaq və onlar ilə daima əlaqə saxlamaq;
• İş yerini qaydaya salmalı;
• İclaslarda iştirak etməli;
• Daxili təlimlərdə iştirak etməli;
• Azərbaycan Respublikasının qanunvericiliyinə və digər normativ-hüquqi aktların tələblərinə ciddi riayət etməlidir;
• Daxil olan pul vəsaitlərinin, mal-material ehtiyatlarının və əsas vəsaitlərin tam uçotu və onların hərəkəti ilə bağlı əməliyyatların vaxtında mühasibat uçotunda əks etdirilməsini təmin etmək;
• İlkin sənədlər və mühasibat yazılışları əsasında vergi və mühasibat hesabatlarının tərtib olunması və qanunvericilikdə müəyyən edilmiş müddət ərzində müvafiq orqanlara göndərilməsini həyata keçirmək;
• Əsas vəsaitlərin uçotunun aparılmasını, inventarizasiyasının müəyyən olunmuş müddətdə keçirilməsinə nəzarət və iştirak etmək;
• Təhtəl hesab, balans, avans hesabatının aparılmasını təmin etmək;
• Rəsmi hesabatların hazırlanması (Statistika, DSMF);
• Hesab və elektron qaimə-fakturaların yazılması;
• Daxili mühasibatlıq sistemində köçürmələrin idarəedilməsi;
• Gündəlik hesabları üzrə qalıqlar hesabatı;
• Mal/Xidmətlərin, müqavilə və sifarişlərin yoxlanılması;
• Vaxtlı-vaxtında və lazımi qaydada təsdiqedici sənədlərin əldə olunması/təqdim edilməsi üçün təchizatçılarla/müştərilərlə yazışmaların aparılmasının təmin olunması;
• Hamiləlik, Əmək qabiliyyətinin olmaması vərəqələri üzrə ödənişlərin hesablanması və bununla bağlı DSMF-na təqdim olunmalı sənədlərin hazırlanması;
• Məzuniyyət, xəstəlik vərəqlərinə əsasən müvafiq hesablamaları təşkil və nəzarət edilməsi;
• Əmək haqqının verilmə dövrünə uyğun olaraq bütün əmək haqlarına dair əməliyyatlarının vaxtında və düzgün emal olunmasını təmin edilməsi;
• Əmək haqqı sistemi vasitəsilə şirkət üçün əmək haqqının hazırlanmasının düzgün və vaxtında həyata keçirməsi;
• Əmək qanunvericiliyinə və şirkətin siyasətinə uyğun olaraq əmək haqlarının işçilərə ödənilməsinin təmin edilməsi;
• Əmək haqqına dair hesablamaların aparılması və hesabatların tərtib edilməsi;
• Əmək haqqına dair bütün sorğu/sualların araşdırılması və cavablandırılması;
• Əmək haqqının verilməsinə dair vasitələr, ən yaxşı təcrübələr və proseslərin təkmilləşdirilməsi;
• Əmək haqqını hesablamaq, rüblük və illik hesabatlar hazırlamaq və Dövlət Sosial Fonduna təqdim edilməsi;
• “BTP" (Vergi ofısi) və “B3Editor” (Sosial Fond) e-mail hesabat proqramından istifadə etməklə, Azərbaycan Respublikasının qanunvericiliyinə və yerli tələblərə uyğun olaraq vergilərə dair aylıq, rüblük və illik olaraq hesabatlar, о cümlədən statistik hesabatların tərtib edilməsi;
•  İşə qəbul edilmiş əməkdaşlara bank hesabı açılması və əməkdaşların əmək haqqı kartlarının sifarişinə və təmin edilməsinə dair müvafiq banklara müraciətlərin həyata keçirilməsi;
• Mal-material qiymətlilərin inventarizasiyasında iştirak edir və onlar üzrə müvafiq aktları rəsmiləşdirir;
• Həftəlik, aylıq, rüblük və illik icra hesabatlarının hazırlanmasını və təqdim edilməsini təmin etmək;

Qeyd:

• İşçi işin funksiyasından asılı olaraq müvafiq sınaq müddəti nəzərə alınmaqla işə qəbul olunur; CV-yə yanlış və qeyri-düzgün məlumatlar daxil etdiyi aşkar olunan şəxslər işə götürülmürlər.
•  Göstərilən  tələblərə cavab verən və şərtləri qəbul edən namizədlər öz CV-lərini (Namizədin fotosunun olması mütləqdir) göndərə bilərlər. Müraciət etdiyiniz vəzifənin adını məktubun başlıq hissəsində  “Mühasib”   göstərməyiniz vacibdir. Əks təqdirdə belə müraciətlilərə baxılmayacaqdır.
• Yuxarıda qeyd olunanları nəzərə alaraq, bildirmək istərdik ki, işə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaq. Şifahi müraciətlərə (zənglərə) baxılmayacaq.
• Xahiş olunur, “Caspian Services Group” MMC-nin saytında olan nömrələrə zəng vurmayasınız. Aidiyyəti üzrə qeyd olunan email ünvanına müraciət edəsiniz.

Caspian Services Group tərəfindən digər vakansiyalar

• Elektromexanik üzrə təcrübəçi
• Elektromexanik
• Sürücü
• Mühasib
• Baş mühasib