Plan və smeta şöbəsinin müdiri

İşin təsviri

Vəzifə öhdəlikləri:

• Şöbədaxili prosedur, əsasnamə və təlimatların hazırlanmasında birbaşa iştirak etmək;
• Şöbənin fəaliyyətini təşkil etmək, şöbə əməkdaşları arasında iş bölgüsünü aparmaq, vəzifə öhdəliklərinin düzgün və tam icra olunmasına nəzarət etməklə icra edilmiş işləri təhvil almaq;
• Tabeçiliyində olan işçilərin inkişafı və karyera artımı üçün şərait yaratmaq, onların mükafatlandırılması və performans dəyərləndirilməsində təşəbbüs göstərmək;
• Qəbul edilmiş layihə əsasında tələblərin dolğunluğunu və keyfiyyətini təmin etməklə ilkin smetanı müəyyən etmək;
• Layihənin texniki icraat üzrə müfəssəl mərhələlərə bölgüsünü təşkil etmək;
• Əsaslı təmir-tikinti və yenidən quraşdırma işlərinin bütün mərhələlərdə prosesləri analiz etmək, izləmək və smetaya uyğunluğuna nəzarət etmək;
• Layihədə ediləcək cari dəyişikliklər zamanı smeta sənədlərində müvafiq düzəliş və əlavələri aparmaqla rəhbərliklə razılaşdırmaq; 
• Tikintinin hər bir mərhələsində plan üzrə istifadə olunacaq mal - material, işçi qüvvəsi və maddi-texniki bazanın tərkibinin və miqdarının təyin edilməsinə rəhbərlik etmək;
• Hər bir mərhələ üçün müəyyən edilmiş normalar üzrə bazar qiymətlərinə uyğun smeta dəyərinin hazırlanmasına nəzarət etmək;
• Hazırlanmış smetaları cəmləmək, təsdiq etmək, tikinti-quraşdırma işlərinin texniki-iqtisadi əsaslandırılmasını digər şöbələrlə birlikdə təşkil etmək və yekun sənədi müzakirə üçün rəhbərliyə təqdim etmək;
• Layihə-smeta sənədlərinin razılaşdırılma və təsdiqini qəbul olunmuş qaydada təşkil etmək, bu zaman ekspertiza və sifarişçi təşkilatların irad və təkliflərini nəzərə almaq, dəyişiklikləri sənədlərə əlavə etmək;
• Plan və smeta şöbəsinin əsasnaməsi üzrə nəzərdə tutulan bütün öhdəlikləri həyata keçirmək.

Namizədə tələblər:

• Müvafiq sahə üzrə ali təhsil;
• Cins: kişi;
• Yaş həddi: 35-55 yaş;
• Rəhbər vəzifədə azı 5 il iş təcrübəsi;
• Mükəmməl azərbaycan və rus dili biliyi;
• Microsoft Office, Auto CAD və 1C proqramlarından sərbəst istifadə etmək;
• Komandada işləmə və yüksək idarəetmə bacarığı;
• Məsuliyyət və punktuallıq.

İş şəraiti:

• Əmək haqqı müsahibə əsasında namizədin bilik və təcrübəsinə əsasən (2500-3000 man) müəyyən ediləcək;
• Korporativ nömrə ilə təmin olunma;
• Nahar şirkət tərəfindən verilir;
• İş rejimi: 6 günlük; 
• İş yeri: Bakı şəhəri, Baku City Residence (Bakı şəh., Heydər Əliyev pr 189).

Xüsusi tələblər:

Yuxarıda göstərilən tələblərə uyğun olan namizədlər öz tərcümeyi-hallarını elektron poçtuna göndərə bilər. Müraciət etdiyiniz vəzifənin adını email-ın mövzu hissəsində mütləq şəkildə göstərməyiniz xahiş olunur.

Qeyd: yalnız azərbaycan dilində göndərilən CV-lər dəyərləndiriləcək.

GM Construction tərəfindən digər vakansiyalar

• Satınalma/tender üzrə mütəxəssis
• Baş mühasib
• Sahə rəisi (yol-tunel tikintisi üzrə)
• Memar
• Təchizatçı