İşin təsviri
Ümumi müddalar:
- Bu vəzifə təlimatı Menecerin (keyfiyyətə nəzarət üzrə) funksional vəzifələrini, hüquq və məsuliyyətini müəyyən edir.
- Menecer (keyfiyyətə nəzarət üzrə) vəzifəyə təyin olunması və vəzifədən azad edilməsi, “STP Alüminium” MMC-nin İşəgötürəni ilə işçi arasında Əmək Məcəlləsinə uyğun olaraq əmək müqaviləsinin bağlanması və ya mövcud əmək müqaviləsinin xitam verilməsi yolu ilə və müvafiq əmrlə rəsmiləşdirməklə həyata keçirilir.
- Menecer (keyfiyyətə nəzarət üzrə) vəzifəsinə müvafiq sahə üzrə ali təhsilli və müvafiq sahə üzrə 3 ildən 5 ilədək iş stajı olan, şəxs təyin edilir.
- Bilməlidir:
- AR Konstitusiyasını;
- Cəmiyyətdaxili qayda və prosedurları, siyasətləri, vəzifəsi ilə bağlı normativ texniki sənədləri, standartları, əmr və sərəncamları.
- İşində rəhbər tutmalıdır:
- Cəmiyyətin Nizamnaməsini,
- Aid olduğu struktur vahidin Əsasnaməsini,
- Bu vəzifə təlimatını,
- Tabeçiliyində olduğu müdiriyyətin yazılı və şifahi göstərişlərini.
Vəzifəyə dair əsas tələblər, kompetensiyalar:
- Normativ və konstruktor sənədlərini anlamalı
- İstehsal olunan məhsulun texnologiyasını bilməli
- İstehsalatda tətbiq olunan standartları bilməli
- İstehsal olunan məhsulun standarta uyğun nəzarət olunan ölçü parametrlərini və nəzarət qaydalarını, ölçmə vasitələrindən istifadə etməyi, məhsulun xarici qüsurlarının əsas əlamətlərinə görə tanımağı və sinifləşdirməyi bacarmalı
- EN, İSO, ASME, ASTM standartları üzrə biliyi olmalıdır
- Qaynaq prosesləri haqda spesifik biliyi olmalı
- Qaynaq prosedurlarını oxumağa bacarmalı
- Yerli və beynəlxalq standartları bilməli
- Təzyiqli çənlər üzrə cizgiləri oxumalı
- Metal konstruksiya cizgilərini yüksək səviyyədə oxumağa bacarmalı
- Metalların mexaniki və fiziki xassələrini spesifik səviyyədə bilməli
- Metalların struktur xassələrini spesifik səviyyədə bilməli
- İngilis dili və rus dilini bilməli
- Biliyin səviyyəsini təsdiq edən müəyyən sertifikatların olması
- MS Excel, MS Word, Outlook proqramları ilə işləmək bacarığı
- Cəmiyyət daxili kommunikasiya əsaslarını bilməli.
Vəzifə öhdəlikləri:
- İstehsal prosesinin və istehsal olunan məhsulun normativ sənədlərin və müştərinin tələblərinə uyğunluğunu təmin etmək üçün istehsal sahələri tərəfindən yerinə yetirilən proseslərin keyfiyyətinə nəzarətin lazımi səviyyədə saxlanmasına nəzarət etmək
- Əməliyyat nəzarəti zamanı texnoloji proseslərin düzgün yerinə yetirilməməsi aşkarlandıqda və ya texnoloji proseslərdə qayda pozuntularına yol verildiyi hallarda instansiyalar üzrə rəhbərliyi məlumatlandırmaqla işi dayandırmaq
- Keyfiyyətsiz məhsulun istehsalının qarşısını almaq
- Uyğunsuz və ya zay məhsul istehsal edildiyi təqdirdə məhsulu qəbul etməmək və bu haqda rəhbərliyi yazılı şəkildə məlumatlandırmaq
- Uyğunsuz məhsul istehsal olunduqda onun sənədləşdirilməsini, qeydiyyatını və izolə olunmasını təmin etmək
- Sifarişə uyğun olaraq istehsal olunmuş məhsulun qarışmaması üçün qəbul edilmiş qaydada nişanlanmasına (markalanmasına) nəzarət etmək
- Qüsurların yaranma səbəblərinin analiz və tədqiq edilməsində iştirak etmək
- Düzəltmə və düzəldici fəaliyyətlərinin təmin olunması üçün dəstək vermək
- Müştəri şikayətlərini analiz etmək və uyğunsuzluqların yaranma səbələrinini müəyyən etmək və təkrarlnmasının qarşısının alınması üzrə dəstək vermək
- Struktur vahidlərindən texnoloji intizamla bağlı aşkarlanmış qayda pozuntularının (uyğunsuzluqlarının) aradan qaldırılması üzrə tədbirlərin görülməsini tələb etmək
- İstehsal zamanı materialın girişindən məhsulun çıxışına qədər bütün mərhələlərdə izlənməsini təmin etmək
- Keyfiyyət paketlərinin hazırlanmasını təmin etmək
Hüquqlar:
- Normal iş şəraiti ilə təmin olunmaq;
- Öz funksional vəzifələrini yerinə yetirməkdə ona maneə törədən səbəbləri aradan qaldırmaq üçün tədbirlər görmək;
- Əmək fəaliyyətinin, habelə struktur vahidin işinin təkmilləşdirilməsi məqsədilə struktur vahid rəhbərinə müvafiq təkliflər vermək;
- Vəzifəsini yerinə yetirmək üçün Cəmiyyətin müvafiq resurslarından istifadə etmək;
- İxtisas və bilik artırma təlimlərində iştirak etmək;
- Öz funksional öhdəliklərinə aid məsələlərin müzakirəsində iştirak etmək;
- Gördüyü işi ilə bağlı məlumatın əldə olunmasını tələb etmək.
Məsuliyyətlər:
- Azərbaycan Respublikasının əmək qanunvericiliyi tərəfindən müəyyən edilmiş qaydada, bu vəzifə təlimatı ilə nəzərdə tutulmuş, vəzifələrin icra edilməməsi və ya lazımi səviyyədə icra edilməməsi, Cəmiyyətdaxili qayda və prosedurlara riayət edilməməsinə görə;
- Azərbaycan Respublikasının inzibati, cinayət və mülki qanunvericiliyi tərəfindən müəyyən edilmiş qaydada fəaliyyətinin həyata keçirilməsi prosesi zamanı yol verilmiş qanun pozuntularına görə;
Azərbaycan Respublikasının əmək, cinayət və mülki qanunvericiliyi tərəfindən müəyyən edilmiş qaydada maddi ziyanın vurulmasına görə;
- Fəaliyyətini həyata keçirmə zamanı törətdiyi hüquq pozuntusuna görə Azərbaycan Respublikasının cinayət, inzibati və mülki qanunvericiliyi ilə müəyyən edilmiş hədlərdə;
- “STP Alüminium” MMC-nin mənafeyinin qorunmaması, Cəmiyyətə, onun müştərilərinə aid olan məxfi məlumatların, sənədlərin (kommersiya sirri) üçüncü şəxslərə açıqlanmasına görə;
- “STP Alüminium” MMC-nin İşəgötürəninin əmrlərini, göstərişlərini, icrası vacib olan digər normativ və təlimatlandırıcı sənədlərin icra olunmamasına görə;
- Vəzifə təlimatında göstərilən bütün göstərişlərin yerinə yetirilməməsinə görə;
- Verilən işlərin yüksək keyfiyyətlə və vaxtında yerinə yetirilməməsinə görə;
- Cəmiyyətdə xidməti istifadə üçün verilmiş inventarların (avadanlıqların, ehtiyat hissələrinin, ləvazimatların, xüsusi geyimlərin) qorunub saxlanılmamasına görə;
- Özünün təqsirindən baş vermiş istehsalat travmalarına, yanğına, qəzaya və qəza zamanı aldığı istehsalat xəsarətlərinə görə;
- TTQ, TİQ və YTQ-yə və nizam-intizam qaydalarına əməl etməsinə görə;
- Ətraf mühitin mühafizəsi və SƏTƏM qaydalarına riayət etməməsinə görə;
- Verilmiş tapşırıqların nöqsansız, yüksək keyfiyyətlə və vaxtında yerinə yetirməməsinə görə;
- Hazırkı vəzifə təlimatı ilə müəyyən edilmiş vəzifə öhdəliklərinin yerinə yetirilməməsinə və ya lazımınca yerinə yetirilməməsinə görə.
SƏTƏM üzrə normativ tələblər:
- Böyük mühəndis öz fəaliyyətində texniki istismar qaydalarını (TİQ), təhlükəsizlik texnikası qaydalarını (TTQ), yanğın təhlükəsizlik qaydalarını (YTQ), istehsalat sanitariyası, əməyin mühafizəsi və təhlükəsizlik qaydalarını bilməli və tələblərə riayət etməlidir.
- Bu təlimatda aşağıda göstərilən funksiyaları yerinə yetirmədiyi təqdirdə, müvafiq qanunvericiliyə və bu təlimata uyğun olaraq məsuliyyət daşıyır:
- Ətraf mühitin qorunması üzrə qanunvericiliyi və fəaliyyətinə aid edilən əməyin mühafizəsi və təhlükəsizlik texnikası üzrə əmək qanunvericiliyini;
- Ətraf mühitin qorunması və təhlükəsizlik texnikası üzrə normativ tələbləri;
- Öz fəaliyyətinin ekoloji aspektlərini və onların ətraf mühitə təsirinin dərəcəsini, ekologiyaya aid qüvvədə olan qanunvericiliyi və Cəmiyyətin strategiyasını;
- Fəaliyyətlə bağlı risklərin və onların idarə edilməsi üzrə tədbirləri;
- Əməyin və istehsalatın təşkilini, əmək qanunlarının əsaslarını, əməyin mühafizəsi və təhlükəsizlik qaydalarını, istehsalat sanitariyasını və yanğından mühafizə qaydalarını təmin edən təlimatları;
- Cəmiyyətin ekologiya, keyfiyyət və əməyin mühafizəsi və texniki təhlükəsizlik üzrə siyasətini bilməli və həyata keçirilməsi üçün lazım olan tədbirlərin təşkil olunmasını.
- Baş verən qəzalar və xəsarətlər barədə vaxtında və dolğun məlumat verməli, özünün və ətrafda işləyən işçilərin sağlamlığına zərər verə biləcək iş fəaliyyət aparmamalı;
- FMV-dən təhlükəsizlik tələblərinə uyğun olaraq düzgün istifadə olunmasına və saxlanmasına riayət etməli;
- Cəmiyyətin anti-alkoqol və psixotrop maddələrin istifadəsinə dair siyasətinə uyğun olaraq tələblərə riayət etməli və mütamadi yoxlamalarda iştirak etməli;
- Cəmiyyətin beynalxalq standartların və qanunvericiliyin tələblərinin yerinə yetirilməsinə dair üzrərinə götürdüyü öhdəliklərini həyata keçirməli və qoyulan hədəflərə nail olmasına köməklik göstərməli;
- İstehsalat proseslərində işləri düzgün aparmalı, avadanlıqların, mexanizmlərin, qurğuların təhlükəsiz istismarını həyata keçirməli.