Veysəloğlu MMC
1994-cü ildə Aydın Veysəloğlu və İlqar Talıbov tərəfindən təsis edilmiş Veysəloğlu şirkəti yarandığı ilk illərdə yalnız Türkiyə Respublikasından qida məhsullarının idxalı ilə məşğul olub. 1997-ci ildə TC Iğdır şəhərində ixracat və topdançılıqla məşğul olan Yaycılı Kardeşler şirkətinin təsisçisi İshak Yaycılı şirkətə ortaq olur. Daha sonra şirkət fəaliyyətini genişləndirərək dünyanın bir çox tanınmış istehsalçılarının nümayəndəliklərini alır və bu istehsalçıların məhsullarının Azərbaycanda dağıtımını həyata keçirir. Şirkətin Bakı şəhərində yerləşən mərkəzi anbarı, Cənub bölgəsini əhatə edən Salyan filialı, Qərb bölgəsini əhatə edən Mingəçevir filialı fəaliyyət göstərməkdədir.