İşin təsviri
Vəzifə öhdəlikləri:
- İT avadanlıqlarında (şəbəkə, müşahidə sistemləri, UPS avadanlıqları və s.) və əməliyyat sistemlərində çıxan texniki problemləri təyin etmək, ilkin problemləri aradan qaldırmaq, səbəbini araşdırmaq və qeydiyyatını aparmaq;
- Korporativ proqram təminatlarında yaranan kiçik problemləri həll etmək, mümkün olmadıqda isə aidiyyatı şəxsə yönləndirmək;
- Müştərilərdən daxil olan müraciətləri düzgün analiz etmək və düzgün istiqamətdə yönəltmək;
- Gündəlik edilən müraciətləri izləmək, qeydiyyatını aparmaq, yönləndirmək, həmçinin müştərilərdən gələn zəngləri cavablandırmaq;
- Kompüter istifadəçilərinə avadanlıqlardan istifadə ilə bağlı ilkin təlimatlar keçmək, avadanlıq və proqramların düzgün şəkildə idarə olunması ilə bağlı məlumatlar vermək;
- Cari tənzimləmələrin, standart operativ prosedurların, qabaqcıl təcrübələrin və tətbiq olunan yeniliklərin axışlarının qeydiyyatını aparmaq;
- Korporativ prosedurlarımız çərçivəsində rəhbərləri tərəfindən verilən digər yazılı və şifahi tapşırıqları icra etmək;
- Şirkətin İT siyasət, prosedur, qayda və standartlarına müvafiq olaraq İT avadanlıqlarında çıxan nasazlıqları təyin etmək, həlli mümkün olmayan sıradan çıxmış avadanlıqlar barədə müvafiq qaydada şöbə rəhbərinə məlumat vermək;
- Öhdəliyində olan işlərin gedişatı ilə bağlı mütəmadi olaraq rəhbərini məlumatlandırmaq, hesabat vermək;
- Tələb olunan iş öhdəliyi çərçivəsində ehtiyac yaranarsa seminar və təlimlərdə iştirak etmək;
- Komanda üzvləri arasında meydana çıxan iş bölgülərini bərabər və məsuliyyətli, keyfiyyətli şəkildə icra etmək;
- İş şəraitində təhlükəsizlik qaydalarına mütləq əməl etmək və görülən işdən asılı olaraq uyğun təhlükəsizlik vasitələrindən istifadə etmək;
- Müştərilərlə nəzakətli olmaq, düzgün ünsiyyət qurmaq;
- İş prosesində işlərin çevik şəkildə, düzgün ardıcıllıqla icra olunmasına nəzarət etmək;
- Müştərilərdə baş vermiş problemlərlə əlaqəli ən optimal həllini tapmaq və lazım gəldikdə uyğun tövsiyyələr vermək;
- Təhkim olunmuş İT avadanlıqlarının düzgün şəkildə istismarına nəzarət etmək.
Tələblər:
- İT Sahəsində Orta və ya Ali təhsili;
- Minimum 1 il iş təcrübəsi;
- Müştəriləri ilə işləmə qabiliyyəti;
- Şəxsi keyfiyyətlər: punktual, məsuliyyətli, dəqiq və diqqətçil;
- Yüksək praktiki intellekt;
- Analitik düşünmə bacarığına sahib olmalı;
- Komanda ilə işləmə;
- Azərbaycan dili – mükəmməl; Rus dili – orta;
- Kompyuter bacarıqları: MS Office, 1C programı.
Maraqlananlar CV-lərini [email protected] elektron ünvanına 29.12.2021-ci il tarixinə qədər göndərə bilərlər. Elektron məktubun mövzu (subject, тема) hissəsində “Kiçik İT operator” yazmaq tələb olunur. Yalnız seçilmiş namizədlərlə əlaqə saxlanılacaq.