Ofis Köməkçisi (Receptionist)
-
Elanın qoyulma tarixi: 16.01.2018Vakansiyaya müraciət tarixi bitmişdir.
İşin təsviri
Yeni təsis edilən “Altay Mustafayev Law & Tax” MMC hüquq şirkəti Ofis Köməkçisi (Receptionist) vakansiyası üzrə müraciətlərin qəbulunu elan edir.
Haqqımızda
“Altay Mustafayev Law & Tax” əsasən xarici və yerli hüquqi şəxslərə geniş çeşidli hüquq və vergi xidmətləri göstərən müstəqil hüquq şirkətidir. Şirkətin ofisi Bakı şəhəri, Hyatt Tower 2, Izmir küçəsi 8-də yerləşir. İş qrafiki həftənin 5 günü saat 9.00-dan 18.00-dək (1 saatlıq nahar fasiləsi nəzərə alınmaqla). Şənbə və bazar günləri, habelə Əmək Məcəlləsinə əsasən qeyri-iş günləri hesab olunan günlər istirahət günləri hesab olunur. Müraciətlərə baxılması və əmək fəaliyyəti zamanı yaş, cins və əmək funksiyalarının yerinə yetirilməsinə təsir etməyən sair xüsusiyyətlərə görə ayrı-seçkiliyə yol verilmir.
İş öhdəlikləri:
• Telefon zənglərinin cavablandırılması və qeydiyyatı;
• Gələn və gedən məktubların qeydiyyatı və kargüzarlığın təşkili;
• Qonaqların qarşılanması;
• Kiçik tərcümə işləri;
• Tədbirlərin təşkilində köməklik göstərilməsi;
• Ofisdə tələb olunan bütün inzibati və təşkilatı işlərə dəstək göstərilməsi.
Əsas Tələblər:
• Ali təhsil;
• Azərbaycan, ingilis və rus dillərində sərbəst danışmaq və yazmaq;
• MS Office proqramlarında işləmək bacarığı;
• Dürüstlük, dəqiqlik, intizamlılıq, effektiv ünsiyyət bacarığı.
Üstünlük Verilir:
• Oxşar vəzifə üzrə iş təcrübəsi;
• Hüquqi xidmətlər bazarında iş təcrübəsi və ya natamam hüquq təhsili.
Maraqlanan namizədlər öz CV-lərini (Azərbaycan və ya ingilis dilində) 31 yanvar 2018-ci il tarixinədək [email protected] electron poçt ünvanına göndərə bilərlər. Elektron poçt məktubunun “Subject” hissəsində “Reception” sözünün və CV mətnində gözlənilən əmək haqqının məbləğinin qeyd olunması xahiş olunur. Növbəti mərhələyə keçən namizədlər 5 fevral 2018-ci il tarixinədək müsahibəyə dəvət olunacaqlar. Bu tarixə qədər müsahibəyə dəvət olunmayan namizədlər növbəti vakansiyalar üçün nəzərdən keçirilə bilərlər.
