Mühasib vakansiyaları

Mühasib kimi işləmək istəyənlər financial accounting, manageerial accounting, audit kimi sahələri dərindən bilməlidir. Ölkəmizdəki muhasibler həm də vergitutma, əmək haqqının hesablanması, şirkətin maliyyə və investisiya durumu barədə də bilgili olmalı, rəhbərliyin tapşırıqlarını yerinə yetirməlidir.

Tanınmış şirkətlərdə baş mühasiblər 2500+, ortabab mühasiblər isə 1800+ AZN maaş alır. Kiçik və orta şirkətlərdə isə maddi durumdan və muhasibin biliyindən asılı olaraq 700-1300 AZN maaş verilir.

Mühasib vakansiyası üzrə namizədlər axtaran şirkətlərin elanlarında aşağıdakı tələblərlə daha çox qarşılaşırıq:

• Mühasibat və ya oxşar sahədə təhsil almaqla özünü bu sahədə inkişaf etdirmək.
• MS Office proqramları və mühasibat proqramlarından istifadə edə bilmək.
• Dövlət qanunvericiliyndən məlumatlı olmaq.
• Mühasibat sahəsiylə bağlı teorik bilgiləri iş həyatında istifadə edə bilmək.
• Sürətli iş tempinə və komanda ilə çalışmağa uyğunlaşmaq .
• Rəhbərlik tərəfindən verilən işləri vaxtında yerinə yetirmək.
• Ofis daxili avadanlıqlarla çalışa bilmək.
• Şirkət daxili və şirkət xarici yazışmaların aparılması.

İqtisadiyyat və Riyaziyyat mühasibatlığın təməl işləmə prinsiplərini təşkil edir.

Mühasibin əmək funksiyası. Mühasibat hesabının müxtəlif sahələri üzrə əməliyyatları (əsas vəsaitlərin, əmtəə-maddi qiymətlilərin, istehsala çəkilən xərclərin, məhsulun satılmasının, təsərrüfat-maliyyə fəaliyyətinin nəticələrinin hesabının aparılması, sifarişçilərin-tədarükçülərin hesabı, eləcə də göstərilən xidmətlərə və s. hesabı) yerinə yetirir.
Maliyyə intizamının yerinə yetirilməsinə və ehtiyatlardan səmərəli istifadəyə yönəlmiş tədbirlərin işlənib hazırlanmasında və həyata keçirilməsində iştirak edir. Əvvəlki sənədlərin hesab sahələrinə uyğun qəbulunu və nəzarətini həyata keçirir və onları hesabı emala hazırlayır. Pul vəsaitlərinin, əmtəə maddi qiymətlilərinin hərəkəti ilə bağlı əməliyyatları mühasibat hesabında əks etdirir.
Məhsulun (işin, xidmətin) maya dəyəri və hesabat kalkulyasiyasını tərtib edir. İtkinin əmələ gəlmə səbəblərini və qeyri-məhsuldar xərclərin mənbəyini üzə çıxarır, onları xəbərdar etmək üçün təkliflər hazırlayır. Dövlət büdcəsinə ödənişlərin, sosial sığorta ayırmalarının, fəhlə və qulluqçuların əmək haqqına yönəldilən maliyyə vəsaitlərinin ayrılmasını, vergilərin, ödənişlərin, eləcə də istehlak fonduna vəsaitin köçürülməsini həyata keçirir.
Təsərrüfat daxili ehtiyatları üzə çıxarmaq məqsədi ilə mühasibat uçotu və hesabatı göstəriciləri əsasında müəssisə, idarə və təşkilatın təsərrüfat-maliyyə fəaliyyətinin təhlilinin aparılmasında, qənaət rejiminin və sənəd dövriyyəsinin təkmilləşdirilməsi tədbirlərinin yerinə yetirilməsində, hesablama texnikasının istifadəsi əsasında mühasibat uçotunun proqressiv forma və metodlarının işlənib hazırlanmasında və tərtibində, eləcə də pul vəsaitlərinin, mal-material qiymətlilərinin hesablanması və ödənilmə öhdəliklərinin inventarizasiyasının aparılmasında iştirak edir.