Synergy Group
2010-cu ildə təsis edilmiş Synergy Group MMC Azərbaycanda fəaliyyət göstərən ən iri özəl investisiya şirkətlərindən biridir.
Synergy Group MMC qeyri-neft sektorunda müxtəlif və inkişaf yönümlü şirkətlərdən ibarət dinamik portfeli uğurla idarə edir. Qrupa daxil olan şirkətlərdə 2000-dən artıq iş yeri ilə birbaşa təmin edilir və ümumilikdə bizim müəssələrimizin bazarda iştirakı ilə əlavə minlərlə iş yerinin yaranmasına təkan veririk.
“Synergy Group” istehsalat, tikinti, kənd təsərrüfatı, İKT, otelçilik, təhsil, səhiyyə və bank işi sahələri üzrə iri yatırımlar etməkdədir. Şirkətlərin böyük əksəriyyəti Bakıdan kənarda yerləşməklə Azərbaycanda regionların sosial-iqtisadi inkişafına öz töhfəsini verir.
“Synergy Group” MMC-nin investisiya strategiyası yatırımların yüksək rentabelliyini təmin etməklə uzunmüddətli inkişafın əldə olunmasına əsaslanır.
Missiya və dəyərlərimiz
Missiyamız: investisiya yatırılan sahələrdə uzunmüddətli inkişafa və böyük nəticələrə nail olmaq.
Müasir Azərbaycan sürətlə inkişaf edir və davamlı inkişafa doğru böyük potensiala sahibdir. Azərbaycanın inkişaf templəri ölkəmizi dünya iqtisadiyyatının mühüm iştirakçılarından birinə çevirərək, ölkənin həm daxildə, həm də xaricdə investisiya imkanlarını artırır, müxtəlif sahələrdə beynəlxalq əməkdaşlığı gücləndirir.
Azərbaycanın çoxşaxəli inkişafı həmçinin yeni nəsil biznes idarəetmə təcrübəsini zəruri edir.
Dəyərlərimiz
Etibarlılıq – Biz öz əməkdaşlarımız, səhmdarlarımız və tərəfdaşlarımızla işimizi etibarlı əməkdaşlıq, qarşılıqlı inam və hörmətə əsaslanan münasibətlər üzərində qururuq.
Sinerji və tərəfdaşlıq – Biz işimizi qrup daxilindəki şirkətlər arasında sinerji konsepsiyasının tətbiqi və tərəfdaşlarımızla qarşılıqlı faydalı tərəfdaşlıq əsasında qururuq. “Synergy Group” MMC ən qabaqcıl təcrübəni strateji baxış və beynəlxalq standartlarla birlikdə tətbiq edərək uğurlu fəaliyyətə can atır.
Mükəmməllik və innovasiya – “Synergy Group” olaraq biz bütün biznes layihələrində mükəmməlliyi hədəf götürür və ümumi idarəetmə, qərarların qəbulu, gündəlik iş fəaliyyəti və texnologiyaların tətbiqində daim müasir və innovativ üsullardan istifadə edirik.
Komanda işi – Biz hər bir əməkdaşımız, törəmə şirkətimiz və tərəfdaşımızın bacarıq və gücünə inanaraq, ümumi missiyamız uğrunda səylərimizi birləşdiririk.