Haqqında

Əliverdibəyli Sadıq Haqverdi oğlu 13 iyul 1995-ci ildə Bakıda anadan olub. 2010-2014-cü illərdə Bakı Texniki Kollecində (indiki Azərbaycan Texniki Universitetinin nəzdində Bakı Texniki Kolleci), 2020-2024-cü illərdə isə Azərbaycan Dövlət Mədəniyyət və İncəsənət Universitetində təhsil alıb. . Əmək fəaliyyətinə 2015-ci ildə Üzeyir Hacıbəylinin ev – muzeyində bələdçi vəzifəsində başlamışdır. 2016-cı ildən həmin muzeyin şöbə müdiri vəzifəsində çalışır. Paralel olaraq fotoqrafiya və fotojurnalistika ilə də məşğul olur. Əsasən reportaj, mənzərə, küçə janrlarında çəkilişlər edir. Bir müddət Assistance Turizm Agentliyində fotoqraf, AzPress İnformasiya Agentliyində fotomüxbir və Report informasiya Agentliyində fotoredaktor vəzifəsində çalışmışdır. 2019-cu ildə Azərbaycan Televiziya və Radio Verilişləri QSC-nin nəzdində Teleradio Akademiyasında operator peşəsi üzrə kurs , 2020-ci ildə Report İnformasiya Agentliyinin nəzdindəki Report Media Məktəbində jurnalistika üzrə kurs keçib. Media üzrə bir sıra təlim və seminarlarda iştirak edib. 2017-ci ildən Azərbaycan Fotoqrafları Birliyinin, 2024-cü ildə isə Azərbaycan Fotoqrafları Birliyinin nəzarət - təftiş komissiyasının üzvüdür. Beynəlxalq fotomüsabiqənin, 13-cü Bakı Beynəlxalq Qısa Filmlər Festivalının finalisti, London və ABŞ Tələbə Film Festivallarının iştirakçısı olub. Qeyd: HAZIRDA ÇALIŞDIĞIM DÖVLƏT İŞİNDƏN MAAŞ AZLIĞI VƏ İXTİSASIMA UYĞUN OLMAMAĞI SƏBƏBİNDƏN AYRILMAĞI DÜŞÜNÜRƏM. TƏKLİFLƏRƏ AÇIĞAM.