Qadınlar üçün iş elanları

Qadınlar üçün vakansiyalar və geniş iş iş elanları seçimi müasir cəmiyyətdə çox vacibdir. Feminist olmaq məcburi deyil, amma sırf qadinlar üçün özəl vakansiyaların olması vacibdir. Xüsusilə də gözəllik, dayəlik, uşağa qulluq, moda industriyası, təmizlik sahəsində qadınlara tələbat böyükdür.

Elə peşələr var ki, işəgötürənlər məhz qadınları bu vəzifəyə götürür. Məsələn, katibə, ofis meneceri, prezident köməkçisi, mağazada satıcı, səhiyyə müəssisələrində tibb bacısı, xadimə və s. Bəzən elə hesab edilir ki, monoton texniki işlərdən ibarət, əmək haqqı aşağı olan işlər qadınlara aiddir.
Lakin son zamanlar bəzi sahələrdə qadınlar heç də kişilərdən geri qalmayaraq, əvvəllər ənənəvi hesab edilən və fiziki qüvvə, dözüm tələb edən kişi peşələrinə də uğurla yiyələnirlər. Hazırda qadınlar arasında çoxlu cərrahlar, diş həkimləri, sürücülər, menecerlər, dizaynerlər vardır.

İşəgötürənlərin belə bir problemi mövcuddur: azyaşlı uşaqları olan anaları işə götürmək nə dərəcədə məqsədəuyğundur? Və ümumiyyətlə, uşaqların doğulması gənc qadınların karyerasını nə dərəcədə ləngidir? Əvvəl ana olmaq, sonra karyera qurmaq, ya əksinə?..
İlk ana sevincini, zənnimizcə, heç bir karyera əvəz edə bilməz.