Neptun Supermarket

Neptun Supermarketlər Şəbəkəsi 2003-cü ildə Azərbaycanda qida sektoru sahəsində fəaliyyətə başlayıb. 28 May metrostansiyası yaxınlığında fəaliyyətə başlayan birinci supermarketin uğurlu inkişafı, 2008-ci ildə növbəti-20 Yanvar ərazisində yerləşən supermarketin açılışına təkan verdi. Daha sonra Bakı şəhərinin digər yaşayış zonasında, Həzi Aslanov metrostansiyası iki istiqamətində yeni supermarketlər açılaraq supermarketlər şəbəkəsi yaradıldı.

Neptun Supermarketləri zənciri yaradılması ilə paralel olaraq 2004-cü ildə 3500 m2-ə yaxın ərazidə anbar və ofis yeri tikilərək Azərbaycanda ilk dəfə olaraq supermarketlər vahid mərkəzi sistemlə idarə olunmağa başlandı. Bu vahid mərkəzi anbar sistemi ilə 100-ə yaxın supermarket idarə etmək olar. Supermarketlər şəbəkəsi müasirliyi, məhsulların rahat yerləşdirilməsi ilə fərqlənir. Hər bir alıcı Neptun supermarketlərindən yüksək keyfiyyətli məhsul-meyvə və tərəvəz, ət və süd məhsulları, un məmulatları, spirtli və spirtsiz içkilər əldə edə bilər. Neptun Supermarketlər Şəbəkəsi həm yerli həmdə xarici məhsulların satışını həyata keçirir. Burada keyfiyyəti, ekoloji təmiz tərkibi, saxlanma müddəti və s. ilə seçilən Almaniya və digər Avropa məhsulları yer almışdır. 10 mindən çox qida məhsulları, delikateslər, həmçinin elit spirtli içkiləridən ibarət olan “Neptun” assortimentləri geniş seçimə üstünlük verənlər və keyfiyyətdən əmin olmaq istəyənlər üçün nəzərdə tutulub. Ticarət sahəsinin mütəxəssisləri daima keyfiyyətli məhsulların axtarışındadır və bir çox bu cür məhsullar Neptun supermarketlərində eksklüziv şəraitdə yerləşdirilib.

Yüksək keyfiyyətli məhsul müxtəlifliyi ilə seçilən Neptun Supermarketlər şəbəkəsi hər zaman müştəriləri üçün sağlam, müasir və ekonomik xidmət göstərməyə çalışır. Supermarketlər şəbəkəsində müxtəlif növ qida məhsulları, məişət-təsərrüfat malları, kiçik ev elektronikası kimi məhsullar əldə etmək mümkündür. Bundan əlavə supermarketlərdə mövcud olan “Uşaq aləmi” bölmələrində balacaların qayğısına qalmaq üçün keyfiyyətli uşaq qidası, paltarlar, oyuncaqlar və məktəb ləvazimatları əldə etmək olar.Əsas prinsipi sağlam qidaya üstünlük olan Neptun Supermarketlər şəbəkəsi optimal şəraitdə saxlanılan məhsullarla artıq 15 ildən çoxdur ki, geniş alıcı kütləsinin inamını qazanıb.