Yeni iş forması olan remote işlərdə vacib məsələlərdən biri komanda daxilində ünsiyyətin qurulmasıdır.
Komandalar eyni fiziki məkanda birlikdə işləmədikdə, təbii olaraq yoldaşlıq və komanda ruhunu nəzarətdə saxlamaq çətin ola bilər. Bu baxımdan, ofis mühitləri hisslərin daha şəffaf şəkildə paylaşılmasını təmin etir ki, insanlar heç bir əlavə səy göstərmədən bir-birləri ilə ünsiyyət qura və dostluqlarını inkişaf etdirə bildilər. Uzaqdan işdə eyni güclü əlaqələri qurmaq çətin görünsə də, mümkündür.
Üz-üzə təcrübəni təkrarlayın
Ofisdə işləməyin ən böyük üstünlüyü odur ki, komanda üzvləri işləyərkən təbii olaraq bağlı qalırlar; çünki bu imkanları yaradan sahələr çoxdur. İnsanlar fasilə otağına toplaşır, bir-birlərinə həftəsonu planlarını danışır, birlikdə nahara çıxırlar və s.
Komandalar bir-birindən uzaq olanda bu əlaqələr o qədər də asan deyil; çünki indi təsadüfi əlaqələr üçün imkanlar daha azdır. Uzaqdan işləyərkən, adətən, ictimailəşmək üçün deyil, bir işi görmək üçün bir araya gəlirlər. Bu səbəblə, xüsusilə işdən kənarda sosiallaşmaq üçün görüşlərin təşkilinə kömək etməyiniz vacibdir. Misal üçün; həftədə sadəcə 1 dəfə hər hansı bir mövzu haqqında müzakirə üçün ingiliscə conversation təşkil edə bilərsiniz. Bu həm komandanın ingiliscəsinə həm də komanda daxili ünsiyətin inkişafına kömək edəcək
Əməkdaşlığı təşviq edin
Üz-üzə və ya uzaqdan necə işlədiyinizdən asılı olmayaraq, komandalar çox vaxt müstəqil işləyən insanlardan ibarətdir. Bununla belə, komanda ilə məsləhətləşmədən bizneslə bağlı qərarlar verən və prosesləri təkbaşına idarə etməyə çalışan profillərlə qarşılaşmaq mümkündür. Bu məqamda əməkdaşlığı təşviq edən lider olmaq vacibdir. Bunun üçün komandanızla danışaraq, birlikdə çalışaraq həm hədəflərə, həm də son tarixlərə daha effektiv və asanlıqla çata biləcəyinizi vurğulaya bilərsiniz. Əməkdaşlığı təşviq etməyin başqa bir yolu əvvəlcə hazır olduğunuzu göstərməkdir. İşçiləriniz sizinlə asanlıqla əlaqə saxlamalı və sizinlə məsləhətləşməlidir.
Düzgün alətləri təmin edin
Uzaqdan olan komandalara işlərini yerinə yetirmək və bunu edərkən asanlıqla birlikdə işləmək üçün lazım olan alətlərlə təmin etməlisiniz. Hər komanda və hər layihə fərqlidir. Buna görə də hər kəsə uyğun bir həll yoxdur. Komanda üzvlərinizin ehtiyac duyduqlarına əmin olmağın ən yaxşı yolu onlardan rəy istəməkdir.
Texnologiya insanların əməkdaşlıq etməsini və əlaqə saxlamasını asanlaşdırsa da, bu, tək başına kifayət etmir. Telefon və ya video söhbəti üzbəüz söhbətin gücü ilə müqayisə etmək olmaz. İşçilər tez-tez telefonla danışmaq əvəzinə bir-birinə e-poçt və ya mesaj yazmağa üstünlük versələr də, bu, yalnız rəqəmsal ünsiyyəti gücləndirir. Buna görə də, mesajlaşmadan əlavə, danışaraq komandanızı ünsiyyətə təşviq etməlisiniz.
Nəhayət, vacib olan əlaqə saxlamaq üçün imkanlar yaratmaqdır. Lider olaraq, təbii olaraq ilk addımı siz atmalısınız. Unutmayın ki, remote komandanızın əlaqə saxlamaq imkanları nə qədər çox olarsa, bir o qədər tez güclü, həmrəy komanda olursunuz.
Təcrübənizi və biliyinizi bölüşmək, məqalənizi göndərmək, daha çox insana fayda vermək istəyirsinizsə, [email protected] elektron ünvanına yazın.
