Yarat
YARAT Müasir İncəsənət Məkanı – Qafqazda, Mərkəzi Asiyada və ətraf regionlarda müasir incəsənətin təbliğatı və inkişafı ilə məşğul olan və rəssamlar üçün yaradıcı platforma yaratmaq məqsədi ilə fəaliyyət göstərən qeyri-kommersiya təşkilatıdır. YARAT (“yaratmaq” mənasında) 2011-ci ildə Aida Mahmudova tərəfindən təsis olunmuşdur. YARAT sərgilərin, təhsil proqramların və festivalların təşkil olunması vasitəsilə öz missiyasını həyata keçirir. YARAT fondlar, qalereyalar və muzeylər daxil olmaqla, yerli və beynəlxalq yaradıcı şəbəkələrlə əlaqələr qurur.