Azərbaycan üzrə sual bloku

Sual 1

Azərbaycan Respublikasında dövlət səviyyəsində qeyd olunan bayramlardan ən yeni olanı hansıdır?

1. Konstitusiya Günü
2. Silahlı Qüvvələr Günü
3. Milli Qurtuluş Günü
4. Dövlət Bayrağı Günü
5. Zəfər Günü

Doğru cavab: Zəfər Günü

Sual 2

Azərbaycanın hansı dövlət qoruğunda dəmirağac qorunur?

1. Qızılağac
2. Hirkan
3. Türyançay
4. Bəsitçay
5. Şahdağ

Doğru cavab: Hirkan

Sual 3

Aşağıdakılardan hansı “Koroğlu” dastanındakı qəhrəmanlardandır?

1. Burla xatun
2. Qazan xan
3. Dəli Domrul
4. Dəmirçioğlu
5. Bayandır xan

Doğru cavab: Dəmirçioğlu

Sual 4

Şərqi Zəngəzur iqtisadi rayonunda yerləşən faydalı qazıntılar:

1. neft və qaz
2. qızıl və civə
3. mərmər və kvars qumları
4. alunit və molibden
5. daşduz və mineral sular

Doğru cavab: qızıl və civə

Sual 5

Şəhərlərdən hansının adı həm çar Rusiyası, həm də Sovet hakimiyyəti illərində dəyişdirilmişdir?

1. Sumqayıtın
2. Gəncənin
3. Biləsuvarın
4. Bərdənin
5. Mingəçevirin

Doğru cavab: Gəncənin

Sual 6

Rayonlardan hansında inkişaf edən təsərrüfat sahəsi doğru göstərilmişdir?

1. Ağcabədi – ipəkçilik
2. Şamaxı – üzümçülük
3. Şəki – pambıqçılıq
4. Göyçay – sitrus meyvəçiliyi
5. Kəlbəcər – çayçılıq

Doğru cavab: Şamaxı – üzümçülük

Sual 7

Şəkildə Azərbaycanın hansı milli geyimi təsvir edilmişdir?

1. araqçın
2. arxalıq
3. çuxa
4. çəpkən
5. tirmə

Doğru cavab: araqçın

Sual 8

“Heydər Əliyev ili” ilə bağlı tədbirlər planına əsasən həyata keçirilməsi nəzərdə tutulmuşdur:

1)Sosial dəstək tədbirlərinin və xeyriyyə aksiyalarının keçirilməsi

2)“Heydər Əliyev” ordeninin təsis edilməsi

3) Ali təhsildə yüksək akademik göstəriciləri olan tələbələr üçün “Heydər Əliyev təqaüdü”nün təsis edilməsi

1. 1, 2
2. 1, 3
3. 2, 3
4. yalnız 3
5. yalnız 1

Doğru cavab: 1, 3

Sual 9

“Araz Vadisi İqtisadi Zonası” Sənaye Parkının yaradılması işləri icra edilir:

1. Laçında
2. Zəngilanda
3. Ağdamda
4. Kəlbəcərdə
5. Cəbrayılda

Doğru cavab: Cəbrayılda

Sual 10

Azərbaycan ədəbiyyatında istiqlal şairlərimizdən biri kimi tanınır:

1. Bəxtiyar Vahabzadə
2. Rəsul Rza
3. Əliağa Kürçaylı
4. Süleyman Rüstəm
5. Səməd Vurğun

Doğru cavab: Bəxtiyar Vahabzadə

Sual 11

Xəritədə hansı inzibati rayonun ərazisi ştrixlənmişdir?

1. Beyləqan
2. Göyçay
3. Biləsuvar
4. Saatlı
5. Şirvan

Doğru cavab: Saatlı

Sual 12

Ölkəmizdə "ağıllı kənd"in enerji ilə təminatı üçün tikilmiş Arximed turbini tipli SES hansı inzibati rayonun ərazisində istifadəyə verilmişdir?

1. Ağdamda
2. Şuşada
3. Zəngilanda
4. Laçında
5. Cəbrayılda

Doğru cavab: Zəngilanda

Sual 13

II Qarabağ müharibəsi başa çatdıqdan sonra 2023-cü ilədək işğaldan azad olunmuş ərazilərdə istifadəyə verilmiş infrastruktur layihələri:

1)“Zəfər yolu”

2)Laçın Beynəlxalq Hava Limanı

3)Füzuli-Ağdam avtomobil yolu

4)Zəngilan Beynəlxalq Hava Limanı

5)Horadiz-Ağbənd dəmir yolu

1. 1, 5
2. 2, 4
3. 3, 5
4. 1, 4
5. 2, 3

Doğru cavab: 1, 4

Sual 14

Azərbaycanın Təbriz xalçaçılıq məktəbinə məxsus olub, ilin müxtəlif mövsümlərinə aid simvolik təsvirlərin əks olunduğu xalçalara verilən ad:

1. “Dörd fəsil”
2. “Buta”
3. “Ceyranlı”
4. “Güllü-guşəli”
5. “Bağ-meşə”

Doğru cavab: “Dörd fəsil”

Sual 15

Yazıçı Anarın verilmiş əsərlərindən hansı xatirə-romandır?

1. “Dantenin yubileyi”
2. “Otel otağı”
3. “Sizsiz”
4. “Ağ liman”
5. “Beşmərtəbəli evin altıncı mərtəbəsi”

Doğru cavab: “Sizsiz”

Sual 16

UNESCO-nun “Sülh artisti” adına layiq görülmüş bəstəkarımız:

1. Ağabacı Rzayeva
2. Elza İbrahimova
3. Şəfiqə Axundova
4. Ruhəngiz Qasımova
5. Firəngiz Əlizadə

Doğru cavab: Firəngiz Əlizadə

Sual 17

Azərbaycanın telekommunikasiya peykləri ilə bağlı verilənlərdən hansı(lar) doğrudur?

1)Süni peyklər “Azerspace-1”, “Azerspace-2” adlanır.

2)Kommersiya məqsədi ilə istifadə edilə bilər.

3)Əsas idarəetmə mərkəzi Zaqatala rayonunda yerləşir.

1. 1, 2
2. 2, 3
3. yalnız 3
4. yalnız 2
5. 1, 3

Doğru cavab: 1, 2

Sual 18

Hansı mədəniyyət (incəsənət) xadiminin fəaliyyət sahəsi doğru göstərilmişdir?

1. Tahir Salahov – memar
2. Şəfiqə Axundova – rəssam
3. Tofiq Quliyev – bəstəkar
4. Eldar Mansurov – rejissor
5. Əzizə Mustafazadə – şair

Doğru cavab: Tofiq Quliyev – bəstəkar

Sual 19

Sözləri Rəsul Həmzətova məxsus olan “Əziz dostum” şeiri onunla yaxın dost olan hansı məşhur Azərbaycan şairi arasındakı münasibətə həsr edilmişdir?

1. Məmməd Araz
2. Əliağa Kürçaylı
3. Mikayıl Müşfiq
4. Səməd Vurğun
5. Hüseyn Arif

Doğru cavab: Səməd Vurğun

Sual 20

Hərbi uğurlarına və sərkərdəlik bacarığına görə bəzi dünya tarixçiləri tərəfindən “Şərqin Napoleonu” və “İkinci Makedoniyalı İsgəndər” adlandırılmış Azərbaycan hökmdarı:

1. Şah I Abbas
2. Cavanşir
3. Uzun Həsən
4. Şəmsəddin Eldəniz
5. Nadir şah

Doğru cavab: Nadir şah

Sual 21

Azərbaycanda dövlət müstəqilliyi bərpa edildikdən sonra baş vermişdir:

1. milli aviaşirkətin yaradılması
2. müxtəlif adda qəzet və jurnalların nəşr olunmağa başlanması
3. Şamaxıda astrofizika rəsədxanasının tikilməsi
4. Novruz bayramının rəsmi şəkildə qeyd olunmağa başlanması
5. hərbi təmayüllü məktəbin fəaliyyətə başlaması

Doğru cavab: milli aviaşirkətin yaradılması

Sual 22

Azərbaycanda uşaq ədəbiyyatının banilərindən hesab olunur:

1. Səməd Vurğun
2. İlyas Əfəndiyev
3. Rəsul Rza
4. Abdulla Şaiq
5. Məmməd Araz

Doğru cavab: Abdulla Şaiq

Sual 23

Yeddi əsas Azərbaycan muğamından biridir:

1. “Rast”
2. “Qatar”
3. “Kəsmə şikəstə”
4. “Heyratı”
5. “Qarabağ şikəstəsi”

Doğru cavab: “Rast”

Sual 24

Azərbaycanın Ermənistanla dövlət sərhədinin delimitasiyası üzrə komissiyaya Azərbaycan tərəfindən rəhbərlik edir:

1. Elçin Quliyev
2. Əli Əsədov
3. Şahin Mustafayev
4. Hikmət Hacıyev
5. Yaqub Eyyubov

Doğru cavab: Şahin Mustafayev

Sual 25

Azərbaycan Respublikasının müvafiq olaraq şimal və cənub sərhədləri ilə axan çaylar:

1. Qanıx, Həkəri
2. Tərtər, Həkəri
3. Samur, Astaraçay
4. Qusarçay, Lənkərançay
5. Kür, Araz

Doğru cavab: Samur, Astaraçay

Dünya üzrə sual bloku

Sual 1

Tarixi “ipək yolu” ilə həyata keçirilən ticarətdə Çinə ixrac olunurdu:

1. çay
2. çini qablar
3. ipək
4. atlar
5. kağız

Doğru cavab: atlar

Sual 2

Turizm mərkəzlərinin sahəvi əhəmiyyəti nəzərə alınmaqla məntiqi ardıcıllığı tamamlayın.

→ Yessentuki

→ Ölü dəniz

→ ?

1. Qobustan kitabəsi
2. İçərişəhər
3. Naftalan
4. Şəki xan sarayı
5. Yanardağ

Doğru cavab: Naftalan

Sual 3

Dünyanın ən dərin çökəkliyi olan Marian çökəkliyi hansı okeanda yerləşir?

1. Hind okeanında
2. Şimal Buzlu okeanda
3. Atlantik okeanda
4. Cənub okeanında
5. Sakit okeanda

Doğru cavab: Sakit okeanda

Sual 4

Hansı daha əvvəl baş vermişdir?

1. SSRİ-nin dağılması
2. “Ərəb baharı” prosesinin sona çatması
3. İran İslam inqilabı
4. İsrail-Fələstin münaqişəsinin başlaması
5. Berlin divarının dağıdılması

Doğru cavab: İsrail-Fələstin münaqişəsinin başlaması

Sual 5

Dövlətçilik tarixi eramızdan əvvəl başlayır:

1)ABŞ-nin

2)Hindistanın

3)Çinin

4)Rusiyanın

1. 2, 3
2. 1, 2
3. 1, 3
4. 3, 4
5. 2, 4

Doğru cavab: 2, 3

Sual 6

Anlayışlardan hansı orta əsr islam alimlərindən birinin adından götürülmüşdür?

1. kompüter
2. monitor
3. alqoritm
4. analoq
5. proqram

Doğru cavab: alqoritm

Sual 7

Hansı daha uzunömürlü dövlət olmuşdur?

1. Osmanlı İmperiyası
2. Fransa İmperatorluğu
3. Teymuri dövləti
4. Rusiya İmperiyası
5. Böyük Monqol İmperatorluğu

Doğru cavab: Osmanlı İmperiyası

Sual 8

Yazıçı və əsərlərin doğru göstərildiyi cavabı tapın.

1. Heminquey – “Sofinin dünyası”
2. Markes – “Hökmdar”
3. Hüqo – “Qoca və dəniz”
4. Şekspir – “Kerri bacı”
5. Servantes – “Don Kixot”

Doğru cavab: Servantes – “Don Kixot”

Sual 9

Əsərlərdən hansı A. Çexova aiddir?

1. “Şinel”
2. “Hərb və sülh”
3. “6 №-li palata”
4. “Hacı Murad”
5. “Baxçasaray fontanı”

Doğru cavab: “6 №-li palata”

Sual 10

Dünyanın ən böyük adası hansı ölkənin idarəçiliyindədir?

1. Rusiyanın
2. İspaniyanın
3. Fransanın
4. Danimarkanın
5. Belçikanın

Doğru cavab: Danimarkanın

Sual 11

“Müharibə sənəti” əsərini yazmış qədim şərq mütəfəkkiri, hərbi strateq:

1. Konfutsi
2. Firdovsi
3. Sun Tszı
4. Budda
5. Mao

Doğru cavab: Sun Tszı

Sual 12

Ən bolsulu çay şəbəkəsinə malik materik hansıdır?

1. Antarktida
2. Cənubi Amerika
3. Avstraliya
4. Afrika
5. Avropa

Doğru cavab: Cənubi Amerika

Sual 13

Böyük coğrafi kəşfləri daha da asanlaşdırmışdır:

1. Osmanlının süqutu
2. gəmiçiliyin inkişafı
3. mətbəənin icadı
4. xristianlığın iki qola ayrılması
5. otlaq sahələrinin azlığı

Doğru cavab: gəmiçiliyin inkişafı

Sual 14

“Oskar” mükafatı hansıdır?

1. “Qızıl cəngavər”
2. “Palma budağı”
3. “Qızıl kəmər”
4. “Qızıl qlobus”
5. “Qızıl moruq”

Doğru cavab: “Qızıl cəngavər”

Sual 15

Dünyada müxtəlif səbəblərə görə ən çox qaçqın-miqrantlar hansı ölkələrdə cəmlənib?

1. Nepalda və Somalidə
2. ABŞ-də və Almaniyada
3. Rusiyada və Yaponiyada
4. Avstraliyada və Yeni Zelandiyada
5. Qazaxıstanda və Monqolustanda

Doğru cavab: ABŞ-də və Almaniyada

Sual 16

Nobel mükafatına layiq görülənlər ən çox hansı ölkənin təmsilçiləri olmuşdur?

1. ABŞ-nin
2. Çinin
3. İngiltərənin
4. Fransanın
5. Almaniyanın

Doğru cavab: ABŞ-nin

Sual 17

Hansı fantaziya janrında yazılmış ədəbiyyat nümunələrindəndir?

1. “1984”
2. “Nyu-York trilogiyası”
3. “Quzuların səssizliyi”
4. “Yüz ilin tənhalığı”
5. “Üzüklərin hökmdarı”

Doğru cavab: “Üzüklərin hökmdarı”

Sual 18

Şəkildə hansı incəsənət nümunəsi əks olunmuşdur?

1. natürmort
2. barelyef
3. freska
4. qraffiti
5. mozaika

Doğru cavab: mozaika

Sual 19

Mövzusu yunan mifologiyasından götürülmüş film:

1. “Troya”
2. “Məğlubedilməz”
3. “Patriot”
4. “Kral Artur”
5. “Günəşin imperiyası”

Doğru cavab: “Troya”

Sual 20

Hansı slavyan xalqıdır?

1. macar
2. avar
3. rumın
4. yunan
5. bolqar

Doğru cavab: bolqar

Sual 21

Pərviz Müşərrəf hansı ölkəyə rəhbərlik etmişdir?

1. Suriyaya
2. İraqa
3. Liviyaya
4. Misirə
5. Pakistana

Doğru cavab: Pakistana

Sual 22

Daha çox Günəş enerjisi potensialına malik ölkələr hansılardır?

1. Finlandiya, İsveç
2. BƏƏ, Əlcəzair
3. Azərbaycan, Kanada
4. Avstraliya, Norveç
5. İslandiya, Səudiyyə Ərəbistanı

Doğru cavab: BƏƏ, Əlcəzair

Sual 23

Verilmiş ölkələrdən hansıların dövlət dili eynidir?

1. İran – İraq
2. İtaliya – Fransa
3. Braziliya – Argentina
4. Macarıstan – İsveçrə
5. ABŞ – Avstraliya

Doğru cavab: ABŞ – Avstraliya

Sual 24

Avropada qurulan ilk universitet hansıdır?

1. Boloniya
2. Kembric
3. Vyana
4. Oksford
5. Berlin

Doğru cavab: Boloniya

Sual 25

1. Mandela hansına qarşı mübarizə aparmışdır?
2. ABŞ müstəmləkəçiliyinə
3. monarxiyaya
4. irqi ayrı-seçkiliyə
5. Fransa işğalına
6. kapitalist sistemə

Doğru cavab: irqi ayrı-seçkiliyə

Hüquq və iqtisadiyyat

Sual 1

Ermənistan-Azərbaycan münaqişəsinin həlli ilə bağlı son 30 ildə aparılan müzakirələrdə Azərbaycanın hər zaman prioritet hesab etdiyi beynəlxalq hüquq prinsipi:

1. Əsas insan hüquq və azadlıqlarına hörmət edilməsi
2. Xalqların öz müqəddəratını təyin etməsi
3. Dövlətlərin hüquqi cəhətdən bərabərliyi
4. Dövlətlərin bir-biri ilə əməkdaşlıq etməsi
5. Dövlətlərin ərazi bütövlüyü

Doğru cavab: Dövlətlərin ərazi bütövlüyü

Sual 2

Bir ölkədə qəbul edilən patent müraciətlərinin çox olması birmənalı olaraq göstəricisi hesab edilə bilər:

1)xarici sərmayəyə ehtiyac olduğunun

2)innovativ ideyaların qiymətləndirildiyinin

3) ölkənin inkişaf etmədiyinin

1. 1 və 2
2. 1 və 3
3. yalnız 3
4. yalnız 1
5. yalnız 2

Doğru cavab: yalnız 2

Sual 3

→ Şell

→ BP

→ Şevron

Yuxarıda hansı ölkələrə aid transmilli şirkətlər verilmişdir?

1. ABŞ və Belçikaya
2. İngiltərə və Norveçə
3. Fransa və İngiltərəyə
4. ABŞ və İngiltərəyə
5. Belçika və İngiltərəyə

Doğru cavab: ABŞ və İngiltərəyə

Sual 4

Azərbaycan iqtisadiyyatında son illərdə baş vermişdir:

1. Elektrik enerjisinə tələbin idxal hesabına ödənilməsi
2. Avropa ölkələrinə qaz ixracının başlanması
3. Büdcəyə vergi daxilolmalarının azalması
4. Neft fondundan dövlət büdcəsinə transferlərin dayandırılması
5. Milli valyutanın kursunda mütəmadi olaraq dalğalanmaların müşahidə edilməsi

Doğru cavab: Avropa ölkələrinə qaz ixracının başlanması

Sual 5

Bir ölkədə vergidən yayınma halları geniş yayılıbsa, bu, hansının göstəricisinin yüksək olduğunu deməyə əsas verər?

1. ümumi iqtisadi rifah səviyyəsinin
2. kölgə iqtisadiyyatının
3. bank sektorunun güclü olduğunun
4. büdcəyə daxilolmaların
5. inflyasiyanın

Doğru cavab: kölgə iqtisadiyyatının

Sual 6

Məhkəmə hakimiyyətinin xüsusiyyəti hesab edilmir :

1)Məhkəmələr qanun qarşısında imtiyazlı şəxslər müəyyən edə bilər.

2)Hakimlərin qərarları müzakirə oluna bilməz.

3) Məhkəmələr müstəqil olmalıdır.

1. 2 və 3
2. 1 və 2
3. Yalnız 3
4. 1 və 3
5. Yalnız 2

Doğru cavab: 1 və 2

Sual 7

Bir məhkəmənin çıxardığı qərarın bənzər situasiyada digər məhkəmə qərarı üçün əsas təşkil etməsi necə adlanır?

1. məhkəməyə istinad
2. de-fakto tanıma
3. məhkəmə presedenti
4. qanunlaşdırma
5. məhkəmə qaydası

Doğru cavab: məhkəmə presedenti

Sual 8

Ölkəmizdə hazırda minimum əməkhaqqı nə qədərdir?

1. 380 AZN
2. 320 AZN
3. 345 AZN
4. 375 AZN
5. 250 AZN

Doğru cavab: 345 AZN

Sual 9

“Made in Azerbaijan” brendi altında istehsal olunur:

1. “İsuzu”
2. “Niva”
3. “Ravon”
4. “QAZ”
5. “Khazar”

Doğru cavab: “Khazar”

Sual 10

Hansı iqtisadi sanksiya deyil ?

1. şəxsin saxlanılması
2. ölkəyə sərmayə qoyuluşunun dayandırılması
3. hansısa firmanın mallarının boykot edilməsi
4. ixraca məhdudiyyət qoyulması
5. SWIFT sisteminə girişə qadağa qoyulması

Doğru cavab: şəxsin saxlanılması

Sual 11

Devalvasiyanın nəticələrindəndir:

1. xarici malların ucuzlaşması
2. ixracın azalması
3. yerli istehsala marağın azalması
4. problemli kreditlərin yaranması
5. kənd təsərrüfatının əhəmiyyətini itirməsi

Doğru cavab: problemli kreditlərin yaranması

Sual 12

Bir ölkəyə xarici kapital gəlməsinə müsbət təsir edər:

1)bazarın kiçik olması

2)vergi güzəştləri

3)inkişaf etmiş infrastruktur

4)əməkhaqqı xərclərinin yüksək olması

1. 2, 4
2. 3, 4
3. 1, 4
4. 1, 3
5. 2, 3

Doğru cavab: 2, 3

Sual 13

Hüquq normaları ilə sosial normaların ortaq cəhətidir:

1)Sanksiyası mənəvi xarakter daşıyır.

2)İnsanlar arasındakı münasibətləri tənzimləyir.

3)Dəyişikliklərə məruz qala bilər.

1. yalnız 2
2. yalnız 1
3. 2 və 3
4. 1 və 2
5. 1 və 3

Doğru cavab: 2 və 3

Sual 14

Hazırda ölkəmizdə 100 faiz sığortalanan əmanətlərin maksimum miqdarı nə qədərdir (manatla)?

1. 50 000
2. 100 000
3. 40 000
4. 70 000
5. 30 000

Doğru cavab: 100 000

Sual 15

Azərbaycan Respublikasının Konstitusiyasına əsasən vətəndaşların vəzifələrinə aiddir:

1. Vətənə sədaqət
2. yaradıcılıq
3. azad sahibkarlıq
4. seçki
5. hüquqi yardım almaq

Doğru cavab: Vətənə sədaqət

Sual 16

Azərbaycanda iqtisadiyyatın şəffaflaşdırılmasına xidmət edən layihədir:

1. “ƏDV geri al”
2. “Təmiz şəhər”
3. “Elektron hökumət”
4. “ASAN Xidmət”
5. “Ağıllı kənd”

Doğru cavab: “ƏDV geri al”

Sual 17

Bağlanmış beynəlxalq müqavilənin dövlətin ali hakimiyyət orqanı tərəfindən təsdiq edilməsi adlanır:

1. dərkənar
2. denonsasiya
3. delimitasiya
4. paraflanma
5. ratifikasiya

Doğru cavab: ratifikasiya

Sual 18

Hansında daha çox əlavə dəyər yaradılar?

1. xammal istehsalında
2. texnologiya istehsalında
3. tranzit xidmətlərində
4. ərzaq istehsalında
5. montajda

Doğru cavab: texnologiya istehsalında

Sual 19

Dünyada ən çox elektromobil istehsal edən ölkə:

1. ABŞ
2. Yaponiya
3. Almaniya
4. Cənubi Koreya
5. Çin

Doğru cavab: Çin

Sual 20

Anlayışlardan hansının ortaya çıxması iqtisadiyyatda informasiya texnologiyalarının artan rolu ilə bağlı olmuşdur?

1. Aqrar iqtisadiyyatı
2. Azad sahibkarlıq
3. Amortizasiya
4. Ticarət balansı
5. Bilik iqtisadiyyatı

Doğru cavab: Bilik iqtisadiyyatı

Sual 21

Hüquqi aktların iyerarxiyasında hansı ən üst sırada yer alır?

1. əsasnamə
2. qanun
3. təlimat
4. qərar
5. fərman

Doğru cavab: qanun

Sual 22

Azərbaycan Respublikasının Konstitusiyasına əsasən Azərbaycan xalqı ibarətdir:

1. Azərbaycan Respublikası ərazisindən kənarda yaşayan, Azərbaycan dövlətinə və onun qanunlarına tabe sayılan əcnəbi və vətəndaşlığı olmayan şəxslərdən
2. Azərbaycan Respublikası ərazisində və ondan kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşlarından
3. Azərbaycan Respublikası ərazisində və ondan kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşları və əcnəbilərdən
4. Azərbaycan Respublikası ərazisindən kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşları və vətəndaşlığı olmayan şəxslərdən
5. Yalnız Azərbaycan Respublikası ərazisində yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşlarından

Doğru cavab: Azərbaycan Respublikası ərazisində və ondan kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşlarından

Sual 23

Aşağıdakılardan hansı bir ölkə iqtisadiyyatı üçün arzuolunmaz haldır?

1. əmək bazarının ehtiyaclarının daxili imkanlar hesabına ödənilməsi
2. əmanətlərin çoxunun milli valyutada saxlanılması
3. əhalinin artım sürətinin milli gəlirdəki artımdan yüksək olması
4. iqtisadi böyümənin inflyasiyadan yüksək olması
5. xammal ehtiyatlarının daxili ehtiyacdan çox olması

Doğru cavab: əhalinin artım sürətinin milli gəlirdəki artımdan yüksək olması

Sual 24

“Rəsmi çıxışlarda “mən” sözündən deyil, “biz”, “qurumumuz”, “nazirliyimiz” kimi sözlərdən istifadə edilməlidir” cümləsində hansı norma (qayda) ifadə olunmuşdur?

1. protokol
2. adət-ənənə
3. əxlaq
4. texniki
5. hüquq

Doğru cavab: protokol

Sual 25

Azərbaycan Respublikasının Konstitusiyasına əsasən insan hüquqlarının məhdudlaşdırılması üçün əsas ola bilməz:

1)adət-ənənələr

2)səfərbərlik elan edilməsi

3)fövqəladə vəziyyət

1. 1 və 3
2. yalnız 1
3. yalnız 2
4. 1 və 2
5. 2 və 3

Doğru cavab: yalnız 1

Müasir trendlər

Sual 1

5G texnologiyasının çatışmazlıqları arasında göstərilir:

1)Çoxsaylı qüllələr quraşdırılmasını tələb edir.

2)Sosial şəbəkələrin fəaliyyətini məhdudlaşdırır.

3)Android əməliyyat sistemi ilə işləmir.

4)Cihazların batareyaları daha çox güc sərf edir.

1. 1, 3
2. 1, 2
3. 3, 4
4. 2, 4
5. 1, 4

Doğru cavab: 1, 4

Sual 2

İş həyatında tez-tez bəhs edilən “Danninq-Krüqer effekti” dedikdə nəzərdə tutulur:

1. insan resurslarının rotasiyalı istifadə olunması
2. özünü bacarıqlı zənn edən səriştəsiz insanlar
3. iş həyatında daim yeniliklərə can atan insanlar
4. ixtisaslı kadrlara olan tələb
5. iş kollektivinə effektiv rəhbərlik

Doğru cavab: özünü bacarıqlı zənn edən səriştəsiz insanlar

Sual 3

Hansının fəaliyyət sahəsi digər dördündən fərqlidir?

1. Acer
2. HP
3. Netflix
4. Lenovo
5. Dell

Doğru cavab: Netflix

Sual 4

İnternet vasitəsilə çox sayda dildə məlumat almanın mümkün olduğu, azad, ödənişsiz ensiklopediyadır:

1. Twitter
2. Second life
3. Wikipedia
4. Britannica
5. Wikimapia

Doğru cavab: Wikipedia

Sual 5

“Metavers” nədir?

1. super robot
2. fövqəlinsan
3. elektron pul
4. virtual kainat
5. Marsda həyat

Doğru cavab: virtual kainat

Sual 6

Bir qrup Azərbaycan vətəndaşının Laçın-Xankəndi yolunda keçirdiyi aksiya, ilk növbədə, hansı beynəlxalq təşkilatın şüar və məqsədləri ilə üst-üstə düşür?

1. ISESCO
2. Ümumdünya Təbiəti Mühafizə Fondu
3. UNESCO
4. Beynəlxalq Amnistiya Təşkilatı
5. Sərhədsiz həkimlər

Doğru cavab: Ümumdünya Təbiəti Mühafizə Fondu

Sual 7

Hansılar süni intellektin üstünlüklərindən sayılır?

1)ucuz başa gəlməsi

2)müəyyən riskli işlərdə insanı əvəz etməsi

3)fasiləsiz uzun müddət çalışa bilməsi

4)işsizliyin qarşısını alması

1. 3, 4
2. 1, 3
3. 1, 4
4. 1, 2
5. 2, 3

Doğru cavab: 2, 3

Sual 8

Hərbi və hərbi olmayan vasitələrin müxtəlif şəraitlərə uyğun ən optimal kombinasiyasından istifadə edilməsini özündə əks etdirən müharibə strategiyası:

1. soyuq müharibə
2. hibrid müharibə
3. dünya müharibəsi
4. bioloji müharibə
5. vətən müharibəsi

Doğru cavab: hibrid müharibə

Sual 9

Ölkəmizin də yaxından əməkdaşlıq etdiyi “Cisco” şirkətinin fəaliyyət sahəsi hansıdır?

1. hüquqi konsultasiya
2. kənd təsərrüfatı
3. rəqəmsal texnologiyalar
4. hərbi təyinatlı məhsul istehsalı
5. iqtisadi audit

Doğru cavab: rəqəmsal texnologiyalar

Sual 10

Virtual mühitdə olan məlumatların haker hücumlarına qarşı qorunması hansı sahəyə aiddir?

1. robot mühəndisliyi
2. süni intellekt mühəndisliyi
3. bioinformatika
4. kibertəhlükəsizlik
5. mobil sistemlər

Doğru cavab: kibertəhlükəsizlik

Sual 11

Son illərdə ölkəmizdə bəzi nazirliklərin ləğv edilməsi və ya birləşdirilməsini zəruri edən səbəblər:

1)struktur islahatları

2)ləğv edilən orqanların yerinə yetirdiyi işlərə ehtiyacın olmaması

3)idarəetmənin optimallaşdırılması

4)beynəlxalq təşkilatların tələbləri

1. 2, 4
2. 3, 4
3. 2, 3
4. 1, 2
5. 1, 3

Doğru cavab: 1, 3

Sual 12

Hansı müasir suvarma sistemləridir?

1)artezian

2)damcı

3)yağışyağdırma

4) selləmə

1. 2, 3
2. 1, 3
3. 1, 2
4. 3, 4
5. 2, 4

Doğru cavab: 2, 3

Sual 13

Kütlələrin doğrunu yalandan ayırd edə bilməməsi məqsədilə doğru ilə yalan məlumatdan eyni vaxtda istifadə edilməklə təqdim edilməsi adlanır:

1. ağ təbliğat
2. boz təbliğat
3. sürətli təbliğat
4. qara təbliğat
5. ideoloji təbliğat

Doğru cavab: boz təbliğat

Sual 14

Qadınların idarəetmədə aktiv rol oynaması idarəetmənin hansı aspektdən

1. yaş
2. ərazi
3. gender
4. gəlir bölgüsü
5. iqtisadi

Doğru cavab: gender

Sual 15

“Elektron hökumət”lə bağlı hansı fikir doğrudur?

1. “E-hökumət” portalında qeydiyyatdan keçmədən heç bir xidmətdən istifadə etmək mümkün deyil.
2. İdarəetmədə operativliyə və şəffaflığa kömək edir.
3. Fiziki şəxslər bu xidmətlərdən istifadə edə bilər, hüquqi şəxslər isə yox.
4. Ölkədə yaşayan xarici vətəndaşlar bu xidmətdən istifadə edə bilmir.
5. Nazirlərin şəxsən vətəndaşlarla görüşməsini nəzərdə tutur.

Doğru cavab: İdarəetmədə operativliyə və şəffaflığa kömək edir.

Sual 16

Biometrik pasport bu xüsusiyyətinə görə həm də ... adlanır.

1. diplomatik pasport
2. elektron pasport
3. xarici pasport
4. rəsmi pasport
5. xidməti pasport

Doğru cavab: elektron pasport

Sual 17

Müştərilərlə insan danışığını imitasiya edərək əlaqə yaratmaq üçün hazırlanmış proqram:

1. interaktiv cihaz
2. səsli mesaj
3. çatbot
4. məsafədən idarəetmə
5. ağıllı saat

Doğru cavab: çatbot

Sual 18

İnternetin gələcəyi hesab edilir:

1. WEB 2)0
2. Blockchain
3. NFT
4. WEB 3)0
5. DeFI

Doğru cavab: WEB 3)0

Sual 19

Son illərdə futbol yarışlarında mübahisəli epizodların videoyazısına baxılaraq qərarların qəbul edilməsinə imkan yaradan sistemə verilən ad:

1. “Qartal gözü”
2. videoqeydiyyatçı
3. CAS (Court of Arbitration for Sport)
4. VAR (Video Assistant Referee)
5. smart videokamera

Doğru cavab: VAR (Video Assistant Referee)

Sual 20

“Alfa nəsli” dedikdə nəzərdə tutulur:

1. müharibə illərində doğulanlar
2. 1980-1990-cı illərdə doğulanlar
3. 2010-cu ildən sonra doğulanlar
4. internetin yarandığı illərdə doğulanlar
5. yalnız “Z nəsli”ndən olanların övladları

Doğru cavab: 2010-cu ildən sonra doğulanlar

Sual 21

Son illərdə İsveçrədə Avropa Nüvə Araşdırmaları Mərkəzində həyata keçirilən və bəşəriyyət tarixi üçün yeni kəşflərə imkan yaradacağı düşünülən layihəyə verilən ad:

1. “Gələcəyin maşını”
2. “Big Bang”
3. “Earth Map”
4. “Mars Global Surveyor”
5. “Qırmızı planet”

Doğru cavab: “Big Bang”

Sual 22

Səs, video, mətn kimi müxtəlif növ məlumatların eyni vaxtda təqdim olunmasına, eləcə də oyun, videokonfrans kimi fəaliyyətlərə imkan verən tətbiqləri əhatə edən anlayış:

1. mobil informasiya
2. smart radio
3. multimedia
4. forum
5. konsol

Doğru cavab: multimedia

Sual 23

“OpenAI” şirkəti tərəfindən hazırlanan və müxtəlif mövzularda suallara cavab verən, mətnlər hazırlayan və s. əməliyyatları həyata keçirən süni intellekt robotudur:

1. SDLX
2. Linux
3. Blockchain
4. Google Plus
5. ChatGPT

Doğru cavab: ChatGPT

Sual 24

GMO-nun faydalı tərəflərindən hesab edilir:

1. ənənəvi yollarla hazırlanması
2. hamısının yerli məhsul olması
3. məhsuldarlığın yüksək olması
4. sağlamlıq üçün daha etibarlı olması
5. uşaqlar üçün xüsusilə faydalı olması

Doğru cavab: məhsuldarlığın yüksək olması

Sual 25

İnsanların sosial mediada yanlış informasiyanı zərər vermək məqsədi güdmədən yayması halı:

1. spekulyasiyadır
2. manipulyasiyadır
3. misinformasiyadır
4. dezinformasiyadır
5. saxta məzmun hazırlamaqdır

Doğru cavab: misinformasiyadır